என்னப்பா சொல்றீங்க..! ஒரு நாளைக்கே ரூ.14,000 வருமானமா..? பெரிய பெரிய ரெஸ்டாரண்டுகளையே கதறவிடும் ரோதாங் மேகி கடை.. நெட்டிசன்களை உரைய வைத்த வைரல் வீடியோ..!!

மலைப்பகுதியின் குளிர்ந்த காற்று மற்றும் சுடச்சுட மேகி, இந்த ஜோடி யாருக்குத்தான் பிடிக்காது? நாம் எப்போது ஹில் ஸ்டேஷனுக்குச் சென்றாலும் சாலை ஓரத்தில் உள்ள மேகி ஸ்டால்களில் கண்டிப்பாக நிற்போம். ஆனால், சிறியதாகத் தோன்றும் இந்த ஸ்டால்கள் பெரிய ரெஸ்டாரெண்டுகளையே வருமானத்தில் பின்னுக்குத் தள்ள முடியும் என்று எப்போதாவது நினைத்திருக்கிறீர்களா? தற்போது ஹிமாச்சலப் பிரதேசத்தின் ரோதாங் பாஸ் பகுதியிலிருந்து ஒரு வீடியோ சமூக வலைதளங்களில் வைரலாகி வருகிறது. இங்கு மேகி விற்றுவரும் ஒரு நபர் தனது வருமானம் குறித்துத் தெரிவித்துள்ளதைக் கேட்டு மக்கள் ஆச்சரியமடைந்துள்ளனர். இதைப் பார்க்கும்போது எந்தக் வேலையும் சிறியதல்ல என்பதை மக்கள் உணர்ந்து வருகின்றனர்.

கண்டென்ட் கிரியேட்டர் ஹர்ஷ் சௌஹான் ரோதாங் பாஸ் சென்றடைந்தபோது, அங்கு மேகி விற்றுவரும் ஒரு கடைக்காரரிடம் பேசினார். ஆரம்பத்தில், தற்பொழுது ஆஃப்-சீசன் என்பதால் வேலை குறைவாகவும், வருமானம் குறைவாகவும் இருப்பதாகக் கடைக்காரர் கூறினார். ஆனால், ஹர்ஷ் அவரிடம் விற்பனைக்கான முழு கணக்கையும் கேட்டறிந்தபோது புள்ளிவிவரங்கள் அனைவரையும் அதிரவைக்கும் வகையில் இருந்தன. சுற்றுலாப் பயணிகள் குறைவாக இருக்கும் இந்த மந்தமான சீசனிலும், தான் தினமும் 60 முதல் 70 தட்டுகள் மேகியும், சுமார் 200 கப் டீயும் விற்பதாகக் கடைக்காரர் தெரிவித்தார். முட்டை மற்றும் இதர பொருட்களின் விற்பனை தனித்தனியாக உள்ளது குறிப்பிடத்தக்கது.

https://www.instagram.com/reel/DfKoZV1ThLz/?utm_source=ig_web_button_share_sheet

வைரல் வீடியோவின்படி, அந்த வெண்டர் தினமும் 60 முதல் 70 தட்டுகள் மேகி விற்கிறார். ஒரு தட்டின் விலை 100 ரூபாயாகும். இதன் மூலம் தினசரி 6,000 முதல் 7,000 ரூபாய் வரை வருமானம் கிடைக்கிறது. மேலும், தினமும் தோராயமாக 200 கப் டீ விற்கிறார். ஒரு கப் 40 ரூபாய் விலையில் சுமார் 8,000 ரூபாய் வருமானம் தருகிறது. இவ்வாறாக, ஆஃப்-சீசனில் கூட இந்த சிறிய ஸ்டாலின் தினசரி மொத்த உத்தேச விற்பனை 14,000 ரூபாய் முதல் 15,000 ரூபாய் வரை அடைகிறது. பீக் சீசனில் சுற்றுலாப் பயணிகளின் பெரும் கூட்டம் இருக்கும்போது இங்குள்ள டர்ன்ஓவர் எவ்வளவு அதிகமாக இருக்கும் என்று நீங்களே யோசித்துப் பாருங்கள்!