எ.வ.வேலு அவர் காலேஜ்ல நிறைய பதுக்கி வச்சிருக்காரு… ரூ.5000 கொடுக்க வருவாங்க வாங்கி வச்சிக்கோங்க… ஆதவ் அர்ஜுனா அதிரடி பேச்சு..!

தமிழக வெற்றிக் கழகத்தின் முக்கிய நிர்வாகியும் தற்போதைய அமைச்சருமான ஆதவ் அர்ஜுனா, மதுராந்தகம் இடைத்தேர்தல் பிரச்சாரக் கூட்டத்தில் திமுக மற்றும் முன்னாள் அமைச்சர் எ.வ.வேலுவைக் குறிவைத்து கடுமையான விமர்சனங்களை முன்வைத்துள்ளார். மதுராந்தகத்தில் நடைபெற்ற தவெக பாக முகவர்கள் கூட்டத்தில் பேசிய அவர், “திமுகவினர் வாக்காளர்களுக்குப் பணம் கொடுத்துதான் வாக்குகளைப் பெற முயற்சிக்கிறார்கள். கடந்த தேர்தலைப் போலவே இந்த முறையும் தீபாவளிப் பண்டிகைக்குத் துணி எடுப்பதற்காக உங்களிடம் ரூ. 5,000 பணத்துடன் வருவார்கள்; அந்தப் பணத்தை மக்கள் தாராளமாக வாங்கிக் கொண்டு, தவெக-வின் ‘விசில்’ சின்னத்திற்கே வாக்களிக்க வேண்டும்” என்று பொதுமக்களிடம் பேசினார்.

முன்னாள் பொதுப்பணித்துறை அமைச்சர் எ.வ.வேலுவை நேரடியாகச் சாடிய ஆதவ் அர்ஜுனா, அவர் தனது இன்ஜினியரிங் கல்லூரியில் பெருமளவிலான பணத்தைப் பதுக்கி வைத்துள்ளதாகக் குற்றம் சாட்டினார். அதிலிருந்துதான் இந்த முறையும் மக்களுக்குத் திருப்பித் தர ரூ. 5,000 கொண்டு வரப் போகிறார்கள் என்று பகிரங்கமாக விமர்சித்தார். மேலும், கடந்த ஆட்சிக் காலத்தில் நெடுஞ்சாலைத் துறையில் நடந்ததாகக் கூறப்படும் 2000 கோடி ரூபாய் திட்ட முறைகேடுகள் குறித்தும், அதற்கு எதிராகத் தான் கொண்டு வந்த உரிமை மீறல் தீர்மானம் குறித்தும் அண்மைய சட்டமன்றக் கூட்டத்தொடர்களில் தவெக தரப்பில் தொடர்ந்து கேள்விகள் எழுப்பப்பட்டு வருகின்றன.

திமுகவின் தேர்தல் உத்திகளுக்குச் சவால் விடும் வகையில் பேசிய அமைச்சர் ஆதவ் அர்ஜுனா, “எங்கள் அண்ணன் மீது தமிழக மக்கள் வைத்துள்ள அன்பையும் நம்பிக்கையையும் வெறும் 5,000 ரூபாய் கொடுத்து யாராலும் பிரித்துவிட முடியாது. இந்த மதுராந்தகம் இடைத்தேர்தலில் வாக்கிற்கு ரூ. 10,000 கொடுத்தாலும், திமுக டெபாசிட் இழப்பதைத் தடுத்து நிறுத்த முடியாது” என்று அதிரடியாகச் சவால் விடுத்துள்ளார். 2026 சட்டமன்றத் தேர்தலில் மக்கள் திமுகவிடம் பணம் வாங்கிக் கொண்டு தவெக-விற்கு வாக்களித்தது போலவே இந்த இடைத்தேர்தலிலும் நடக்கும்