“ஷார்ட் ஹேர்… செம்ம ஸ்டைலிஷ் லுக்!”அடையாளமே தெரியாமல் மாறிய ரச்சிதா.. சமூக வலைதளங்களில் ட்ரெண்டிங்…!

பிரபல சின்னத்திரை நடிகை ரச்சிதா மகாலட்சுமி, தனது நீண்ட கால அடையாளமாக இருந்த நீளமான கூந்தலை வெட்டி, முற்றிலும் புதிய மற்றும் நவீனமான சிகை அலங்காரத்திற்கு மாறியுள்ளார். ‘மாடர்ன் லுக்’கில் அவர் வெளியிட்டுள்ள இந்தப் புகைப்படங்கள் தற்போது சமூக வலைதளங்களில் மிக வேகமாகப் பரவி வருகின்றன. இதைப் பார்த்த ரசிகர்கள் அவரது இந்த அதிரடி மாற்றத்தைக் கண்டு ஆச்சரியமடைந்து, புகைப்படங்களை வைரலாக்கி வருகின்றனர்.

கன்னட சீரியல் மூலம் அறிமுகமான ரச்சிதா, தமிழில் ‘பிரிவோம் சந்திப்போம்’ தொடர் மூலம் ரசிகர்கள் மத்தியில் பிரபலமானார். அதன் பிறகு ‘சரவணன் மீனாட்சி’ போன்ற தொடர்கள் அவருக்குப் பெரும் புகழைத் தேடித்தந்தன. சீரியல்களில் மட்டுமல்லாமல், பிக்பாஸ் நிகழ்ச்சியிலும் போட்டியாளராகக் கலந்து கொண்டு மக்கள் மத்தியில் நீங்கா இடம் பிடித்தார். சமீபகாலமாக சின்னத்திரை மற்றும் வெள்ளித்திரை என இரண்டிலும் அவர் கவனம் செலுத்தி வருகிறார்.

தனிப்பட்ட வாழ்க்கையில் சில சவால்களைச் சந்தித்த போதிலும், ரச்சிதா தனது பணிகளில் தொடர்ந்து ஆர்வம் காட்டி வருகிறார். தற்போது அவர் மேற்கொண்டுள்ள இந்த ஹேர் ஸ்டைல் மாற்றம், அவர் ஒரு புதிய பயணத்திற்குத் தயாராகி வருவதைக் குறிப்பதாக ரசிகர்கள் கருதுகின்றனர். இந்த புதிய தோற்றம் அவருக்கு கூடுதல் இளமையையும் அழகையும் தருவதாக இணையவாசிகள் கருத்து தெரிவித்து வருகின்றனர்