“காதல் டிராப்.. அப்புறம் மிரட்டி வாலிபர்களிடம் பணம் பறித்த இளம்பெண்..” 5 ஸ்டார் ஹோட்டலில் களவுமாகச் சிக்கிய பியூட்டி.. போலீசார் கொடுத்த அதிரடி ‘ட்ரீட்..!!

மத்தியப் பிரதேச மாநிலம் ஜபல்பூரில், இளைஞர்களைக் காதல் வலையில் வீழ்த்தி ஐந்து நட்சத்திர ஹோட்டலுக்கு வரவழைத்து மிரட்டிப் பணம் பறித்து வந்த இளம்பெண் ஒருவரைப் போலீஸார் கையும் களவுமாகப் பிடித்து அதிரடி நடவடிக்கை எடுத்துள்ளனர். பாதிக்கப்பட்ட இளைஞர் ஒருவர் அளித்த புகாரின் பேரில் திட்டமிட்ட ஜபல்பூர் காவல்துறையினர், கோபால் பாக் ஹோட்டலில் வைத்து அந்த இளைஞரிடமிருந்து அந்தப் பெண் பணம் வாங்கிக் கொண்டிருந்தபோது பாய்ந்து சென்று கையும் களவுமாக மடக்கிப் பிடித்தனர். அப்போது போலீஸார் அந்தப் பெண்ணுக்கு அங்கேயே பலத்த அடி கொடுத்துத் தங்களது பாணியில் கவனித்ததோடு, அவர் மீது பல்வேறு கடுமையான பிரிவுகளின் கீழ் வழக்குப் பதிவு செய்து தற்போது சிறையில் அடைத்துள்ளனர்.

இந்தச் சம்பவம் குறித்து ஜபல்பூர் காவல்துறை ஒட்டுமொத்த இளைஞர்களுக்கும் ஒரு முக்கிய வேண்டுகோளை விடுத்துள்ளது. இது போன்ற இக்கட்டான சூழ்நிலைகளில் சிக்கிக் கொள்ளும் இளைஞர்கள் எக்காரணம் கொண்டும் பயந்துபோய் பீதியடைய வேண்டாம் என்றும், யாராவது உங்களை இப்படி காதல் வலையில் வீழ்த்தி மிரட்ட முயன்றால் சற்றும் தாமதிக்காமல் உடனடியாகக் காவல்துறையிடம் புகார் அளிக்க வேண்டும் என்றும் கேட்டுக்கொண்டுள்ளனர். அப்படிப் புகார் அளித்தால் காவல்துறை தரப்பில் இருந்து உங்களுக்குத் தேவையான அனைத்து உதவிகளும் உடனடியாகத் தங்கு தடையின்றி வழங்கப்படும் என்றும் அவர்கள் உறுதியளித்துள்ளனர்.