தமிழகத்தில் மின் கட்டண கணக்கீட்டில் குளறுபடியா..? அமைச்சர் நிர்மல் குமார் கொடுத்த விளக்கம்..!!

தமிழகத்தில் மின் கட்டண கணக்கீட்டில் எந்தவிதமான குழப்பமும் இல்லை என்றும், தகுதியுடைய நுகர்வோருக்கு 200 யூனிட் இலவச மின்சாரம் தொடர்ந்து வழங்கப்படும் என்றும் மின்சாரத்துறை அமைச்சர் நிர்மல் குமார் திட்டவட்டமாக தெரிவித்துள்ளார். மின் நுகர்வு ரீடிங் எடுப்பதில் குளறுபடிகள் உள்ளதாகப் பொதுமக்கள் மற்றும் பல்வேறு தரப்பிலிருந்து புகார்கள் எழுந்தன. இந்த புகார்களைத் தொடர்ந்து மின்வாரிய அதிகாரிகள் மூலம் நுகர்வோரின் மின்சார அளவீடுகள் அனைத்தும் முழுமையாக மறு கணக்கீடு செய்யப்பட்டன என்றும், ஆனால் அந்த மறு ஆய்வில் எந்தவொரு தவறும் அல்லது முறைகேடும் கண்டறியப்படவில்லை என்றும் அவர் தெளிவுபடுத்தியுள்ளார்.

மேலும், தற்போதைய மின் கட்டண உயர்வு குறித்து சமூக ஊடகங்களிலும் பொதுவெளியிலும் பரவி வரும் செய்திகள் அனைத்தும் முற்றிலும் உண்மைக்கு புறம்பானவை மற்றும் அடிப்படையற்றவை என்று அமைச்சர் விளக்கம் அளித்துள்ளார். மின்சார வாரியம் விதிகளின்படியே துல்லியமாகக் கணக்கீடு செய்து வருவதால் பொதுமக்கள் யாரும் வீண் வதந்திகளை நம்ப வேண்டாம் என்றும் அவர் கேட்டுக்கொண்டுள்ளார். அரசின் இலவச மின்சாரச் சலுகைகள் எவ்வித தடையுமின்றி மக்களுக்குக் கிடைக்கும் என்றும், கட்டண முறைகளில் ஏதேனும் சந்தேகங்கள் இருந்தால் நுகர்வோர் தாராளமாக மின்வாரியத்தை அணுகி விளக்கம் பெறலாம் என்றும் அவர் உறுதியளித்துள்ளார்.