இப்போதைக்கு சின்ன ட்ரீட்…. விரைவில் அது நடக்கும்…. புதிய அப்டேட் கொடுத்த “தி கோட்” தயாரிப்பாளர்…!!

வெங்கட் பிரபு, விஜய் கூட்டணியில் உருவாகி வரும் திரைப்படம் கோட். இந்த படத்தில் பிரசாந்த், பிரபு தேவா, அஜ்மல் உள்ளிட்ட பலரும் நடித்துள்ளனர். இந்த படத்திற்கு யுவன் சங்கர் ராஜா இசை அமைத்துள்ளார். இந்த படத்தின் படப்பிடிப்பு  முடிவடைந்து பின்னணி வேலைகள்  நடைபெற்று வருகிறது. இந்த படத்தில் இடம்பெற்ற மூன்று பாடல்கள் வெளியாகி நல்ல வரவேற்பு பெற்றது. திரைப்படம் செப்டம்பர் 5ஆம் தேதி திரையரங்குகளில் வெளியாக உள்ளது.

இந்த நிலையில் இந்த படத்தில் அதிகம் எதிர்பார்க்கப்படும் ட்ரைலர் குறித்த அப்டேட் நேற்று மாலை 6 மணிக்கு வெளியாகும் என்று அப்படத்தின் தயாரிப்பாளர் தெரிவித்திருந்தார். ஆனால் 6 மணிக்கு டிரைலர் அப்டேட் வெளியாகவில்லை. இதனை அடுத்து படத்தின் புதிய போஸ்டரை தன்னுடைய எக்ஸ் தளத்தில் பகிர்ந்துள்ளார் .அவருடைய பதிவில் இன்று ட்ரெய்லர் வெளியீட்டு தேதி அறிவிப்பதாக கூறியிருந்தேன். ஆனால் டிரைலரின் சிறந்த வர்ஷனை உருவாக்க இன்னும் நேரம் தேவைப்படுகிறது. இப்போதைக்கு இந்த சின்ன ட்ரீட் விரைவில் தளபதியை திரையில்  பார்ப்போம் என்று பதிவிட்டுள்ளார்.