அண்ணாமலை தொடங்கிய அதே நாளில் லதா ரஜினிகாந்தின் அதிரடி…அதிகாரப்பூர்வமாக வெளியான லதா ரஜினிகாந்தின் ‘மக்கள் மேடை’…ஓய்வு பெற்ற IAS, IPS அதிகாரிகளுக்கு லதா ரஜினிகாந்த் விடுத்த ரகசிய அழைப்பு…!

சூப்பர் ஸ்டார் ரஜினிகாந்தின் அரசியல் வருகை தள்ளிப்போனாலும், அவரது குடும்பத்தில் இருந்தான சமூகப் பங்களிப்புகள் ஓயவில்லை. ரஜினியின் மனைவியான லதா ரஜினிகாந்த், நீண்ட காலமாகவே ‘பாரத் சேவா’ என்ற அமைப்பின் மூலம் பல்வேறு சமூக சேவைகளைச் செய்து வரும் நிலையில், தற்போது ‘மக்கள் மேடை’ (Citizen Platform) என்ற புதிய இயக்கத்தைத் தொடங்கி ஒட்டுமொத்த தமிழகத்தின் கவனத்தையும் தன் பக்கம் திருப்பியுள்ளார். இது தொடர்பாக அவர் வெளியிட்டுள்ள புதிய வீடியோ பதிவு, சமூக வலைத்தளங்களிலும் சமூக ஆர்வலர்கள் மத்தியிலும் பெரும் விவாதத்தையும் எதிர்பார்ப்பையும் கிளப்பியுள்ளது.

இந்த புதிய இயக்கத்தின் முக்கிய நோக்கமே தமிழகத்தின் முன்னேற்றத்திற்காகப் பாடுபட நினைக்கும் அத்தனை நல்உள்ளங்களையும் ஒரே நேர்கோட்டில் இணைப்பதுதான். சாமானிய மக்கள் முதல் ஓய்வு பெற்ற ஐஏஎஸ் (IAS), ஐபிஎஸ் (IPS) அதிகாரிகள், ஆசிரியர்கள், ராணுவ வீரர்கள் மற்றும் மூத்த குடிமக்கள் எனப் பல்துறை வல்லுநர்களும் தங்களது வாழ்நாள் அனுபவத்தை இந்த இயக்கத்தின் மூலம் சமூகத்திற்குப் பயன்படுத்தலாம் என லதா ரஜினிகாந்த் உருக்கமான அழைப்பு விடுத்துள்ளார். “தமிழகத்திற்காக வேகம் பெறுவோம்… ஒன்றாய் சேர்வோம்” என்ற கம்பீரமான வாசகத்தோடு, உள்ளூர் அளவில் மக்கள் தத்தமது சொந்த தொகுதிக்காக வேலை செய்ய வேண்டும் என்பதே இதன் முதன்மை இலக்காக முன்வைக்கப்படுகிறது.

தமிழகத்தில் பல்வேறு புதிய அரசியல் நகர்வுகள் மற்றும் மாற்றங்கள் அரங்கேறி வரும் தற்போதைய சூழலில், லதா ரஜினிகாந்தின் இந்த ‘மக்கள் சக்தி’ இயக்கம் எதிர்காலத்தில் ஒரு பெரிய சமூக அல்லது அரசியல் மாற்றத்திற்கான அச்சாரமாக அமையலாம் என்று அரசியல் விமர்சகர்களால் உற்றுநோக்கப்படுகிறது. குறிப்பாக, பாஜகவில் இருந்து விலகிய அண்ணாமலை புதிய இயக்கம் ஒன்றைத் தொடங்கிய அதே நாளில், லதா ரஜினிகாந்தும் இந்த அதிரடி அறிவிப்பை வெளியிட்டிருப்பது அரசியல் வட்டாரத்தில் பெரும் பரபரப்பை ஏற்படுத்தியுள்ளது. இந்த இயக்கம் வெறும் சமூக நல அமைப்பாக இருக்குமா அல்லது எதிர்கால அரசியல் சக்தியாக உருவெடுக்குமா என்பதைப் பொறுத்திருந்துதான் பார்க்க வேண்டும்.