“நீங்க சொன்ன அந்த ஆளு வந்துட்டாரு” 23 ஆண்டுகளுக்கு முன்பே கணித்த பாரதிராஜா… முதல்வர் விஜய் செய்துகாட்டிய வரலாற்று சாதனை..!!

இயக்குநரும் நடிகருமான பாரதிராஜாவின் தொலைநோக்கு பார்வையை தற்போதைய முதல்வர் விஜய் நிஜமாக்கிக் காட்டியுள்ளதாக தயாரிப்பாளர் சி.எம். குமார் சமீபத்திய பேட்டி ஒன்றில் தெரிவித்துள்ளார். கடந்த 2003ம் ஆண்டிலேயே பாரதிராஜா தன்னிடம் பேசியபோது, அடுத்த 20 முதல் 25 ஆண்டுகளில் பா.ஜ.க மற்றும் தி.மு.க ஆகிய இரு கட்சிகளின் கொள்கைகளையும் இணைத்து ஒரு புத்திசாலி ஆட்சிக் கட்டிலில் அமர்வான் என்று கணித்துக் கூறியதை அவர் நினைவுகூர்ந்துள்ளார்.

பாரதிராஜா அன்று கணித்தபடியே, இன்று தமிழ்நாட்டில் முதல்வர் விஜய் அவர்களின் தலைமையில் ஒரு புதிய அரசியல் மாற்றம் நிகழ்ந்துள்ளது என்று சி.எம். குமார் குறிப்பிட்டுள்ளார். இருவேறு துருவங்களாக இருக்கும் முக்கிய அரசியல் கொள்கைகளைத் தழுவி, ஒரு புதிய நிர்வாகப் பாதையை முதல்வர் விஜய் அமைத்திருப்பதே இந்தத் தீர்க்கதரிசனம் பலித்ததற்குக் காரணம் என அவர் விளக்கியுள்ளார்.

மறைந்த இயக்குநர் பாரதிராஜாவின் உடலுக்கு அஞ்சலி செலுத்தச் சென்றபோது தனக்கு ஏற்பட்ட நெகிழ்ச்சியான தருணத்தையும் குமார் பகிர்ந்துள்ளார். அவரது உடலைப் பார்த்த கணத்தில், அன்று பாரதிராஜா குறிப்பிட்ட அந்தத் தகுதியான நபர் இதோ வந்துவிட்டார் என்று தன் மனதிற்குள் நினைத்துக் கொண்டதாக சி.எம். குமார் உருக்கமாகத் தெரிவித்துள்ளார்.