வருமா? வராதா?.. அமைதி காத்த KVN நிறுவனம்.. மிரள வைக்கும் புதிய போஸ்டர்.. அதிகாரப்பூர்வமாக அறிவித்த ஜெகதீஷ்…!!

தளபதி விஜய் நடிப்பில் பெரும் பொருட்செலவில் உருவாகியுள்ள ‘ஜன நாயகன்’ திரைப்படத்திற்கு தணிக்கை குழு சமீபத்தில் ‘ஏ’ சான்றிதழ் வழங்கி இருந்தது. இது குறித்து தயாரிப்பு நிறுவனமான கேவிஎன் எவ்வித அதிகாரப்பூர்வ அறிவிப்பையும் வெளியிடாமல் அமைதி காத்து வந்தது ரசிகர்களிடையே பல கேள்விகளை எழுப்பியது. இந்நிலையில், ரசிகர்களின் ஏக்கத்தை தணிக்கும் விதமாக கேவிஎன் நிறுவனம் தங்களது சமூக வலைத்தளப் பக்கத்தில் ஒரு சிறப்பான பதிவை வெளியிட்டு, விஜய் ரசிகர்களை பெரும் மகிழ்ச்சியில் ஆழ்த்தியுள்ளது.

இந்த உற்சாகத்தின் தொடர்ச்சியாக, விஜய்யின் நிர்வாகியும் இப்படத்தின் இணை தயாரிப்பாளருமான ஜெகதீஷ் ஒரு மாஸான அப்டேட்டை வழங்கியுள்ளார். தனது அதிகாரப்பூர்வ ட்விட்டர் பக்கத்தில், ‘ஏ’ சான்றிதழ் பெறப்பட்டதை உறுதி செய்யும் வகையில் அமைந்த முற்றிலும் புதிய போஸ்டர் ஒன்றை அவர் வெளியிட்டுள்ளார். மிகவும் பிரம்மாண்டமாக வடிவமைக்கப்பட்டுள்ள இந்த போஸ்டர், இணையத்தில் வெளியானது முதலே வைரலாகி தளபதி ரசிகர்களின் எதிர்பார்ப்பை பன்மடங்கு அதிகரிக்கச் செய்துள்ளது.

எல்லாவற்றிற்கும் மேலாக, இந்த போஸ்டரில் அனைவரது கவனத்தையும் ஈர்த்தது விஜய்க்கான சிறப்பு டைட்டில் கார்டு தான். ‘ஜன நாயகன்’ படத்தில் ‘மாண்புமிகு முதலமைச்சர்’ என்ற அடைமொழி இடம்பெறாது என்று இதற்கு முன் பல தகவல்கள் பரவி வந்தன. ஆனால், அத்தனை வதந்திகளுக்கும் முற்றுப்புள்ளி வைக்கும் விதமாக, தற்போது வெளியாகியுள்ள போஸ்டரில் “Honourable Chief Minster of Tamil Nadu” என்ற வாசகம் கம்பீரமாக அச்சிடப்பட்டுள்ளது. இதன் மூலம், வெள்ளித்திரையில் படம் தொடங்கும் போது ‘மாண்புமிகு முதலமைச்சர்’ என்ற டைட்டில் கார்டு அதிரடியாக இடம்பெறும் என்பது உறுதியாகியுள்ளதால் ரசிகர்கள் உச்சக்கட்ட கொண்டாட்டத்திற்கு தயாராகி வருகின்றனர்.