“சாகும் வயதா இது?” இயக்குநர் செழியன் மறைவால் கதறித் துடித்த பிரபலம்! நெஞ்சை பிழியும் பதிவு..!

பிரபல ஒளிப்பதிவாளரும், ‘டூ லெட்’ போன்ற உன்னதப் படைப்புகளின் இயக்குநருமான செழியன் புற்றுநோயால் பாதிக்கப்பட்டு இன்று காலமான செய்தி திரையுலகினரை பெரும் சோகத்தில் ஆழ்த்தியுள்ளது. இறுதி அஞ்சலிக்காக அவரது உடல் நாம் தமிழர் கட்சியின் தலைமை அலுவலகத்தில் வைக்கப்பட்டுள்ளது. உலக சினிமாவின் நுட்பங்களை தமிழ் ரசனைக்கு ஏற்ப மிக எளிமையாக அறிமுகப்படுத்திய பெருமையும், ஆடம்பரமில்லாத இயற்கை ஒளியை தனது படைப்புகளில் கையாண்ட சிறப்பும் செழியனையே சாரும். மிகக் குறைந்த செலவில் உலகத்தரம் வாய்ந்த திரைப்படங்களை உருவாக்குவது எப்படி என்பதை பல இளம் படைப்பாளிகளுக்குக் கற்றுக் கொடுத்த ஒரு தலைசிறந்த ஆசானாக அவர் திகழ்ந்தார்.

அவரது அகால மரணம் குறித்து பிரபல வசனகர்த்தா பிருந்தா சாரதி மிகுந்த வேதனையுடன் தனது முகநூல் பக்கத்தில் இரங்கல் தெரிவித்துள்ளார். இலக்கியம், இசை, கவிதை எனப் பன்முகத்தன்மை கொண்ட செழியனின் இந்தத் திடீர் மறைவை மனம் நம்ப மறுப்பதாகவும், அவர் தனது வாழ்க்கையின் இறுதி அத்தியாயத்தை இவ்வளவு சீக்கிரம் எழுதியிருக்கக் கூடாது என்றும் உருக்கமாகக் குறிப்பிட்டுள்ளார். மரணம் இயற்கையானது என்ற ஆறுதல் வார்த்தைகள் இப்போது பலனளிக்காது என்று கூறும் அவர், செழியன் தனது மாணவர்களின் படைப்புகள் மூலமாகத் தொடர்ந்து உயிர்த்திருப்பார் என்றும், அவர் ஏற்றிவைத்த சினிமாவின் ஒளி ஒருபோதும் மறையாது என்றும் தனது பதிவில் கண்ணீர் மல்கக் குறிப்பிட்டுள்ளார்.