விரைவில் திருமணம்? ஹைதராபாத்தில் ரகசியமாக தயாராகும் பிரபாஸின் சொகுசு மாளிகை – பின்னணி என்ன?

பான்-இந்தியா அளவில் மிகப்பெரிய ரசிகர் பட்டாளத்தை கொண்டுள்ள முன்னணி நடிகரான பிரபாஸ், ஹைதராபாத்தில் பிரம்மாண்டமான புதிய இல்லம் ஒன்றை உருவாக்கி வருவதாக தகவல்கள் வெளியாகியுள்ளன. சுமார் இரண்டு ஏக்கர் நிலப்பரப்பில், சர்வதேச தரத்திலான நவீன வசதிகளுடன் கட்டப்பட்டு வரும் இந்த சொகுசு மாளிகையின் மதிப்பு 200 கோடி ரூபாய் என மதிப்பிடப்பட்டுள்ளது. திரையில் பாகுபலியாக பல பிரம்மாண்டங்களை காட்டிய அவர், தற்போது தனது நிஜ வாழ்விலும் ஒரு பிரம்மாண்ட அரண்மனையை அமைத்து வருவது ரசிகர்கள் மத்தியில் பெரும் ஆச்சரியத்தை ஏற்படுத்தியுள்ளது.

இந்த புதிய ஆடம்பர இல்லம் அவரது வருங்கால மனைவிக்காகவே பிரத்யேகமாக கட்டப்பட்டு வருவதாகவும், அடுத்த ஆண்டு அவருக்கு திருமணம் நடைபெறவுள்ளதாகவும் திரை வட்டாரங்களில் பரவலாக பேசப்படுகிறது. இருப்பினும், பிரபாஸின் திருமணம் குறித்த வதந்திகள் இணையத்தில் உலா வருவது இது முதல் முறையல்ல; ஒவ்வொரு ஆண்டும் இதுபோன்று செய்திகள் வெளியாகி பின்னர் அவை பொய்யாகவே முடிவது வாடிக்கையாகிவிட்டது. எனவே, இந்த முறையாவது பரவும் இந்த திருமண செய்திகள் நிஜமாகுமா அல்லது வழக்கம் போல வெறும் வதந்தியாகவே கடந்து செல்லுமா என்பதை நாம் பொறுத்திருந்து தான் பார்க்க வேண்டும்.