கூகுள் கொடுத்த ‘க்ளூ’…! சிறுமிகளின் ஆபாச வீடியோக்களை பதுக்கிய கான்பூர் வாலிபர் அதிரடி கைது..!!

சிறுவர் துஷ்பிரயோகம் மற்றும் சிறுமிகளின் ஆபாசப் படங்களுக்கு எதிரான நடவடிக்கையாக, கூகுள் டிரைவில் சிறுமிகளின் ஆபாசப் புகைப்படங்கள் மற்றும் வீடியோக்களைச் சேமித்து வைத்திருந்த ஒரு நபரை போலீசார் அதிரடியாகக் கைது செய்துள்ளனர். இணையப் பாதுகாப்பைக் கண்காணிக்கும் கூகுள் நிறுவனம் இந்த சட்டவிரோதச் செயலைக் கண்டறிந்துள்ளது.

இந்தச் சம்பவம் உத்தரப் பிரதேச மாநிலத்தின் கான்பூர் பகுதியில் நடந்துள்ளது. அங்குள்ள ஒரு இளைஞர், தனது தனிப்பட்ட கூகுள் டிரைவ் கணக்கில் சுமார் 15 சிறுமிகளின் ஆபாச வீடியோக்களைப் பதிவிறக்கம் செய்து சேமித்து வைத்துள்ளார். பயனர் கணக்குகளைக் கண்காணிக்கும் கூகுளின் பாதுகாப்பு அல்காரிதம் இதனைத் துல்லியமாகக் கண்டுபிடித்தது.

கூகுள் நிறுவனம் இதுகுறித்த ஆதாரங்களுடன் கூடிய தகவலை உடனடியாகப் போலீசாருக்கு அனுப்பியது. இந்தத் தகவலின் அடிப்படையில் தீவிர விசாரணை நடத்திய போலீசார், குற்றவாளியின் மொபைல் போன் IMEI எண் மற்றும் அவர் பயன்படுத்திய இணையத்தின் IP முகவரி ஆகியவற்றைத் துப்பறிந்து, அந்த இளைஞரை இருப்பிடத்துடன் கண்டறிந்து கைது செய்தனர்.