“ஆமாம்… நீங்கள் சோகமாக இருந்தது உலகத்துக்கே தெரியும்”.. கவுண்டமணி மீம்ஸ் போட்டு முதல்வர் விஜயை கலாய்த்த திமுக ஐடி விங்.. சூடான தமிழக அரசியல் களம்..!!

கரூர் கூட்ட நெரிசல் சம்பவம் குறித்து வெண்ணெய்மலை மக்கள் சந்திப்பில் முதல்வர் விஜய் உருக்கமாகப் பேசியதைத் தொடர்ந்து, திமுக ஐடி விங் சமூக வலைதளங்களில் கடுமையான விமர்சனங்களை முன்வைத்துள்ளது. கரூரில் பேசிய முதல்வர் விஜய், “கூட்ட நெரிசல் சம்பவத்திற்குப் பின்னால் யார் இருக்கிறார்கள் என்ற கேள்விக்கு பதில் கிடைக்க வேண்டும்; இந்த விபத்திற்குப் பிறகு நான் வீட்டில் மிகுந்த வேதனையுடன் இருந்தபோதும், என்னை ஓடி ஒளிந்துவிட்டதாகக் குற்றம்சாட்டினர்” என்று ஆவேசமாகக் கேள்வி எழுப்பியிருந்தார். மேலும், காவல்துறையினர் எச்சரித்திருந்தால் தாம் நிகழ்ச்சியை ரத்து செய்திருப்பேன் என்றும், அவர்களை முழுமையாக நம்பியதாலேயே அங்கு சென்றதாகவும் அவர் குறிப்பிட்டிருந்தார்.

முதல்வர் விஜயின் இந்தக் கருத்துகளுக்குப் பதிலடி கொடுக்கும் வகையில், அவர் வீட்டில் வேதனையுடன் இருந்ததாகக் கூறியதைக் கிண்டல் செய்து திமுக ஐடி விங் பதிவிட்டுள்ளது. “ஆமாம்… நீங்கள் சோகமாக இருந்தது உலகத்துக்கே தெரியும்; ஆடியோ லாஞ்ச், சீமந்த விழா, பிறந்தநாள் கேக் வெட்டுதல் என எத்தனை ‘சோக’ காட்சிகளைப் பார்த்தோம்” என்று பதிவிட்டுள்ளதோடு, மலேசியாவில் நடைபெற்ற ‘ஜனநாயகன்’ திரைப்பட இசை வெளியீட்டு விழாவில் விஜய் நடனமாடிய வீடியோவையும் பகிர்ந்துள்ளது. மேலும், கவுண்டமணி-சத்யராஜ் நடித்த பிரபல நகைச்சுவைக் காட்சியான “இது உலக மகா நடிப்புடா சாமி!” என்ற படத்தையும் இதனுடன் இணைத்துள்ளது. இந்த வார்த்தைப் போர் தற்போது தமிழக அரசியல் களத்தில் பெரும் பரபரப்பை ஏற்படுத்தியுள்ளது.