ஒரு போஸ்ட்டுக்கு இவ்வளவு கோடியா?ஹீரோக்களையே மிஞ்சும் சம்பளம்… இன்ஸ்டாகிராமில் கொட்டும் பணமழை!ஸ்ரீலீலாவின் சமூக வலைதள சம்பளப் பட்டியல் லீக்..!

தென்னிந்திய சினிமாவில் குறுகிய காலத்திலேயே முன்னணி நடிகையாக உயர்ந்துள்ளவர் ஸ்ரீலீலா. தற்போதைய டிஜிட்டல் யுகத்தில், வெள்ளித்திரையைத் தாண்டி சமூக வலைதளங்களும் பிரபலங்களுக்கு ஒரு மிகப்பெரிய வருவாய் ஈட்டும் தளமாக மாறியுள்ளது. ரசிகர்கள் மத்தியில் தங்களுக்கு இருக்கும் செல்வாக்கைப் பயன்படுத்தி, பல முன்னணி திரை நட்சத்திரங்கள் இன்ஸ்டாகிராம், ட்விட்டர் போன்ற தளங்களில் தீவிரமாகச் செயல்பட்டு வருகின்றனர். இதன் மூலம் தங்களது ரசிகர்களுடன் தொடர்பில் இருப்பதோடு மட்டுமில்லாமல், இணையத்தை ஒரு தொழில்முறை தளமாகவும் அவர்கள் மாற்றிவிட்டனர்.

அந்த வகையில், நடிகை ஸ்ரீலீலாவும் தனது சமூக வலைதளப் பக்கங்கள் மூலமாகப் பெரும் தொகையைச் சம்பாதித்து வருவதாகத் தகவல்கள் வெளியாகியுள்ளன. தனக்கு இருக்கும் மில்லியன் கணக்கான ஃபாலோவர்ஸ்களைக் கொண்டு, பல்வேறு முன்னணி நிறுவனங்களின் தயாரிப்புகளை விளம்பரப்படுத்துவது மற்றும் பிராண்ட் ப்ரொமோஷன் (Brand Promotion) செய்வதன் மூலம் இவருக்கு மிகப்பெரிய அளவில் வருமானம் கிடைப்பதாகக் கூறப்படுகிறது. திரைப்படங்களில் நடிப்பதன் மூலம் கிடைக்கும் ஊதியத்திற்கு இணையாக, தனது சமூக வலைதளப் பதிவுகள் மற்றும் விளம்பரங்கள் வாயிலாகவும் இவர் பல லட்சங்களை ஈட்டி வருவது திரையுலகில் ஆச்சரியத்தை ஏற்படுத்தியுள்ளது.