“ஒரு போட்டோ.. ஒரு காதல்!.. கானக்குயில் ஜானகியின் சுவாரசிய லவ் ஸ்டோரி.. பலரும் அறியாத நெகிழ்ச்சியான காதல் காவியம்..!!

இந்திய திரையிசை உலகின் ஈடு இணையற்ற பாடகியான எஸ். ஜானகி அவர்கள், ஆரம்ப காலத்தில் ஹைதராபாத்தில் உள்ள தனது மாமா சந்திரசேகரின் வீட்டில் தங்கி இசை வாய்ப்புகளைத் தேடி வந்தார். அப்போது ஒருநாள் மாமாவின் சட்டைப் பையிலிருந்து தவறி விழுந்த ஒரு இளைஞரின் புகைப்படத்தைப் பார்த்து அவர் மீது ஈர்ப்பு ஏற்பட்டு, அந்தப் புகைப்படத்தை யாருக்கும் தெரியாமல் தனியிடம் பத்திரப்படுத்தியுள்ளார். அந்தப் புகைப்படத்தில் இருந்தவர் தான் பின்னாளில் அவரது கணவரான ராம் பிரசாத். சில நாட்களுக்குப் பிறகு ராம் பிரசாத் நேரில் வந்தபோது இருவருக்கும் முதல் சந்திப்பு நிகழ்ந்தது. ஜானகியின் தனித்துவமான குரல் வளத்தைக் கேட்டு வியந்த ராம் பிரசாத், அவர் திரையுலகில் மிகப்பெரிய பாடகியாக உருவெடுப்பார் என்று வாழ்த்தியதோடு, ஜானகி பாடிய ரசிகா பலம் என்ற பாடலால் கவரப்பட்டு இருவருக்குள்ளும் நெருக்கம் அதிகரித்தது.

இரு குடும்பத்தினரின் சம்மதத்துடன் 1959-ஆம் ஆண்டு எஸ். ஜானகி – ராம் பிரசாத் திருமணம் நடைபெற்றது. திருமணத்திற்குப் பிறகு ராம் பிரசாத் ஒரு கணவராக மட்டுமல்லாமல், ஜானகியின் இசைப் பயணத்தின் ஆகச்சிறந்த வழிகாட்டியாகவும் தூணாகவும் விளங்கினார். ஒவ்வொரு பாடல் பதிவு மற்றும் கச்சேரிகளுக்குத் துணையாக நின்று அவரைத் தொடர்ந்து ஊக்கப்படுத்தினார். அவருடைய அசைக்க முடியாத நம்பிக்கையும் ஆதரவும் இல்லையென்றால் என்னால் இசை உலகில் இந்த உயரத்தை எட்டியிருக்க முடியாது என்று எஸ். ஜானகி பலமுறை நெகிழ்ச்சியுடன் பகிர்ந்துள்ள வார்த்தைகள், அவர்களின் உன்னதமான அன்பிற்கும் புரிதலுக்கும் சான்றாக விளங்குகின்றன. வயது முதிர்வு காரணமாக அண்மையில் மைசூரில் அரசு மரியாதையுடன் தகனம் செய்யப்பட்ட அவரது மறைவின் போது, இந்த பழைய நினைவுகள் ரசிகர்களிடையே மீண்டும் தற்பொழுது கவனம் பெற்றுள்ளன.