LATEST NEWS
நாங்க என்ன தக்காளி தொக்கா..? சீனியர்களை ஓரம் கட்டிவிட்டு மோடியை வரவேற்க கொறடாவை EPS கூட்டிச் சென்றது ஏன்..? அதிமுகவில் குமுறும் மூத்த தலைவர்கள்..!!
பிரதமர் நரேந்திர மோடியை வரவேற்பதற்காக அதிமுக பொதுச்செயலாளர் எடப்பாடி பழனிசாமி , கட்சியின் கொறடா அக்ரி கிருஷ்ணமூர்த்தியை அழைத்துச் சென்ற விவகாரம் அக்கட்சிக்குள் பெரும் புகைச்சலையும் அதிர்வலைகளையும் ஏற்படுத்தியுள்ளது. தமிழக அரசியலில் முக்கியத்துவம் வாய்ந்த ஒரு நிகழ்வில், டெல்லி மேலிடத்துடனான சந்திப்பின்போது பொதுச்செயலாளருடன் யார் செல்வது என்பதில் அதிமுகவுக்குள் நிலவி வந்த போட்டி, இந்தச் சம்பவத்தின் மூலம் வெளிச்சத்திற்கு வந்துள்ளது.
அதிமுகவில் எடப்பாடி பழனிசாமியை விடவும் அரசியல் அனுபவத்திலும், டெல்லி வட்டாரத்திலும் செல்வாக்குமிக்கப் பல மூத்த நிர்வாகிகள் மற்றும் முன்னாள் அமைச்சர்கள் வரிசைகட்டி நிற்கின்றனர். அவ்வாறு இருக்கும்போது, சீனியர்களை முழுமையாகப் புறக்கணித்துவிட்டுத் தனது தீவிர ஆதரவாளரான அக்ரி கிருஷ்ணமூர்த்தியை மட்டுமே இபிஎஸ் அழைத்துச் சென்றது ஏன் என்று கட்சியின் மூத்த தலைவர்கள் தங்களுக்குள் புலம்பி வருவதாகக் கட்சி வட்டாரங்கள் தெரிவிக்கின்றன. தலைமை தங்களை மதிக்கவில்லை என்ற ஏமாற்றம் மூத்த நிர்வாகிகள் மத்தியில் அதிருப்தியாக வெடித்துள்ளது.
ஏற்கெனவே கொங்கு மண்டலத்தைச் சேர்ந்த எஸ்.பி. வேலுமணி, வட மாவட்டங்களில் வலுவான செல்வாக்குக் கொண்ட சி.வி. சண்முகம் உள்ளிட்ட கட்சியின் முக்கியத் தூண்களாகக் கருதப்படும் மூத்த நிர்வாகிகளை எடப்பாடி பழனிசாமி திட்டமிட்டே ஓரங்கட்டி வருவதாகப் புகார்கள் எழுந்துள்ளன. இந்தச் சூழ்நிலையில், பிரதமரை வரவேற்கும் நிகழ்விலும் தங்களுக்கு முக்கியத்துவம் தராமல் இபிஎஸ் தன்னிச்சையாகச் செயல்பட்டிருப்பது, அதிமுகவினரிடையே மீண்டும் ஒரு பெரும் அதிருப்தியையும் உட்கட்சிப் பூசலையும் தீவிரப்படுத்தியுள்ளதாக அரசியல் விமர்சகர்கள் கருதுகின்றனர்
