“இவரையெல்லாம் நோ-ஃப்ளை லிஸ்ட்ல போடுங்க..” விமான ஜன்னலில் வரையப்பட்ட கணபதி படம்… நெட்டிசன்கள் கொந்தளித்ததும் பெண் கொடுத்த ‘பகீர்’ விளக்கம்..!!

இந்தியக் கலைஞர் மிட்டாலி சலுங்கே, விமானத்தில் பயணத்தின் போது விநாயகர் ஓவியம் வரைந்த வீடியோ ஒன்று சமூக வலைதளங்களில் வைரலாகி, இணையத்தில் பெரும் விவாதத்தைக் கிளப்பியது. செப்டம்பர் 21 அன்று மிட்டாலி தனது இன்ஸ்டாகிராம் பக்கத்தில் பகிர்ந்த அந்த வீடியோவில், விமான ஜன்னலுக்கு எதிராக விநாயகரின் வண்ணமயமான ஓவியத்தை அவர் வரைவது போல் இருந்தது. “பப்பாவை விநாயகரை வரையப் பிடிக்கும் போது, பயணத்தின் போது மண்டபத்திற்குச் செல்ல முடியாததால், புதிய கேன்வாஸைக் கண்டுபிடித்தேன்” என்று அவர் குறிப்பிட்டிருந்தார். ஆனால், அவர் நேரடியாக விமானத்தின் ஜன்னலிலேயே வண்ணம் தீட்டுகிறார் என்று கருதிய சமூக வலைதளப் பயனர்கள், விதியை மீறி பொதுச் சொத்தை சேதப்படுத்துவதாகக் கூறி அவரை கடுமையாக விமரிசித்தனர்.

இந்த வீடியோ ‘எக்ஸ்’ தளத்திலும் பரவியதைத் தொடர்ந்து, விமர்சனங்கள் மேலும் தீவிரமடைந்தன. “இவர்கள் செல்லும் இடமெல்லாம் பொதுச் சொத்துக்களை சேதப்படுத்துகிறார்கள்” என்றும், விமான நிறுவனத்தின் விதியை மீறியதற்காக அவரை “பறக்கத் தடைப் பட்டியலில்” சேர்க்க வேண்டும் அல்லது அபராதம் விதித்துக் கைது செய்ய வேண்டும் என்றும் பயனர்கள் கோப வெளிப்பாடு செய்தனர். மேலும், விமானம் புறப்படும் போதும் தரையிறங்கும் போதும் ஜன்னல்களை மறைக்கக் கூடாது என்றும், ஜன்னலில் ஏதேனும் பொருளை வைப்பது சூரிய வெப்பப் பிரதிபலிப்பால் விமானத்தின் அக்ரிலிக் கண்ணாடியைப் பாதிக்கும் என்றும் சிலர் பாதுகாப்பு சார்ந்த கேள்விகளையும் எழுப்பினர்.

https://www.instagram.com/reel/DdjuLEztXOc/?utm_source=ig_web_button_share_sheet

இந்தக் கடுமையான எதிர்ப்புகளுக்குப் பிறகு, கலைஞர் மிட்டாலி சலுங்கே தான் உண்மையாக எப்படி அந்த ஓவியத்தை வரைந்தார் என்பது குறித்து விளக்கமளித்தார். தான் நேரடியாக விமானத்தின் ஜன்னலில் ஓவியம் வரையவில்லை என்றும், ஜன்னலின் மேல் ஒரு வெளிப்படையான பிளாஸ்டிக் ஷீட்டை வைத்து, அதன் மீதுதான் வரைந்தேன் என்றும் அவர் தெளிவுபடுத்தினார். அத்துடன், வரைந்து முடித்த அந்த ஓவிப் ஷீட்டைத் தன் கையில் தனியாகப் பிடித்துக் கொண்டிருக்கும் புகைப்படத்தையும் பகிர்ந்து, விமானத்தின் ஜன்னலுக்கு எந்தப் பாதிப்பும் ஏற்படுத்தவில்லை என்பதை உறுதிப்படுத்தினார்.