“முதலமைச்சர் வாய்ப்பே தேடி வந்தது” ஆனால்… உண்மையை மேடையில் போட்டுடைத்த திருமாவளவன்..!!

ராணிப்பேட்டையில் நடைபெற்ற திருமண விழா ஒன்றில் கலந்து கொண்டு பேசிய விடுதலைச் சிறுத்தைகள் கட்சி தலைவர் தொல். திருமாவளவன், தன் கட்சித் தொண்டர்களின் வளர்ச்சியே கட்சியின் மிகப்பெரிய பலம் என்று நெகிழ்ச்சியுடன் குறிப்பிட்டுள்ளார். தன்னை விடவும் தனது கட்சியின் தொண்டர்கள் மற்றும் நிர்வாகிகள் உயர்ந்த நிலைக்குச் செல்வதே தமக்கு பெரும் மகிழ்ச்சியைத் தருவதாக அவர் மேடையில் பெருமிதத்துடன் பேசினார்.

மேலும் தனது உரையில், தன்னை அமைச்சராக்குவதற்குப் பல தரப்பிலிருந்தும் முயற்சிகள் மேற்கொள்ளப்பட்ட போதிலும், தம்பி வன்னி அரசுவை அமைச்சராக்கி அழகு பார்த்துள்ளதாகத் தெரிவித்தார். தனக்கு முதலமைச்சராகும் வாய்ப்புகளே நேரடியாகத் தேடி வந்ததாகக் குறிப்பிட்ட அவர், தனிப்பட்ட அதிகார பதவிகளை விடவும் தன் கூட இருக்கும் தம்பிகளின் அரசியல் முன்னேற்றத்திற்கே முன்னுரிமை அளித்ததாகக் கூறினார்.

விசிகவின் துணைப் பொதுச்செயலாளராக இருந்து தற்போதைய அமைச்சரவையில் அமைச்சராகப் பொறுப்பேற்றுள்ள வன்னி அரசுவின் இந்த வளர்ச்சி, ஒட்டுமொத்த கட்சித் தொண்டர்களுக்கும் ஒரு பெரும் ஊக்கமளிக்கும் விஷயமாக அமைந்துள்ளதாக அரசியல் வட்டாரங்கள் கருதுகின்றன. தொண்டர்களின் முன்னேற்றத்தை முன்னிறுத்தும் திருமாவளவனின் இந்த உரை சமூக ஊடகங்களிலும் விசிக தொண்டர்களிடையேயும் தற்போது பெரும் வரவேற்பைப் பெற்று வருகிறது.