LATEST NEWS
“சும்மா இருக்க மாட்டேன் அங்கிள்” காது குடுத்து கேட்க முடியல.. மறக்குற மாதிரியா பேசி வச்சிருக்கீங்க..? ஸ்டாலினுக்கு CM எச்சரிக்கை..!!
தாராபுரம் சட்டமன்றத் தொகுதி இடைத்தேர்தல் பரப்புரையில் பேசிய தமிழக வெற்றிக் கழகத்தின் (தவெக) தலைவரும் முதலமைச்சருமான விஜய், திமுக தலைவர் மு.க.ஸ்டாலினுக்கு மிகக் கடுமையான எச்சரிக்கையை விடுத்துள்ளார். அண்மையில் நடைபெற்ற திமுக பொதுக்கூட்டத்தில் தவெக வேட்பாளர் பி. சத்யாபாமா குறித்து அவதூறாகப் பேசப்பட்டதாகக் கூறப்படும் விவகாரம் அரசியல் வட்டாரத்தில் பெரும் பரபரப்பை ஏற்படுத்தியிருந்த நிலையில், அதற்கு முதலமைச்சர் விஜய் தாராபுர மேடையில் ஆவேசமாகப் பதிலடி கொடுத்துள்ளார்.
பரப்புரையில் பேசிய முதலமைச்சர் விஜய், “மறக்கிற மாதிரியா ஸ்டாலின் நேற்று முன் தினம் பேசினார்? காது கொடுத்து கேட்க முடியாத படிதான் அவர் வளர்த்து வைத்திருக்கும் எல்லோரும் பேசுகிறார்கள்” என்று மிகக் காட்டமாகச் சாடினார். மேலும், அரசியல் ரீதியாகத் தன்னை எவ்வளவு வேண்டுமானாலும் விமர்சித்துக் கொள்ளலாம், ஆனால் பெண்களைப் பற்றி இழிவாகப் பேசுவதை ஒருபோதும் அனுமதிக்க முடியாது என்றும் அவர் சுட்டிக்காட்டினார்.
“என்னை என்ன வேண்டுமானாலும் பேசுங்கள். ஆனால், என் சகோதரியைப் பற்றியோ அல்லது பெண்களைப் பற்றியோ பேசினால் நான் சும்மா இருக்க மாட்டேன்” என்று திமுக தலைமைக்கு முதலமைச்சர் விஜய் மிக நேரடியான எச்சரிக்கையை விடுத்துள்ளார். இடைத்தேர்தல் களம் இறுதிக்கட்டத்தை எட்டியுள்ள சூழலில், திமுக மற்றும் தவெக தலைவர்களுக்கு இடையேயான இந்த வார்த்தைப் போர் தேர்தல் களத்தை மேலும் சூடாக்கியுள்ளது.
