“இவர்கள் தான் நிஜ ஹீரோ..” பட்டப்பகலில் கடத்தப்பட்ட 10 வயது சிறுமி.. அடுத்த நொடியே குப்பை லாரி ஓட்டுநர்கள் செய்த காரியத்தை பாருங்க.. வைரலாகும் நெகிழ்ச்சி சம்பவம்..!!

அமெரிக்காவின் லூசியானா மாகாணத்தில் பட்டப்பகலில் கடத்தப்பட்ட 10 வயது சிறுமி ஜலிஸ்ஸா, இரு துப்புரவுத் தொழிலாளர்களின் சாதுரியமான செயலால் சில மணி நேரங்களிலேயே பத்திரமாக மீட்கப்பட்ட நெகிழ்ச்சியான சம்பவம் நடந்துள்ளது. அன்றைய தினம் காலை தங்களின் வழக்கமான குப்பை சேகரிக்கும் பணியில் ஈடுபட்டிருந்த டியான் மெரிக் மற்றும் பிராண்டன் ஆண்ட்வான் ஆகிய இரு துப்புரவுத் தொழிலாளர்கள், ஒரு வெட்டவெளியான வயல்வெளியின் நடுவே தனியாக நின்றுகொண்டிருந்த ஒரு வெள்ளி நிற காரைக் கண்டனர். போலீசார் தேடிக்கொண்டிருந்த கடத்தல் காரும் அதுவும் ஒன்று என்பதை உடனடியாக உணர்ந்த அவர்கள், சிறுமி அதற்குள் இருக்கக்கூடும் என சந்தேகித்தனர்.

சற்றும் தாமதிக்காமல், தங்களின் பெரிய குப்பை லாரியைக் கொண்டு அந்த கார் அங்கிருந்து தப்பிச் செல்ல முடியாதபடி ஒரே ஒரு வழிப்பாதையை முற்றிலுமாகத் தடுத்து நிறுத்தினர். பின்னர் உடனடியாக அவசர சேவைகளைத் தொடர்புகொண்டு போலீசாருக்குத் தகவல் கொடுத்தனர். போலீசார் சம்பவ இடத்திற்கு விரைந்து வரும் வரை, கடத்தல்காரன் தப்பி ஓட முடியாதபடி தங்கள் லாரியை நகர்த்தாமல் அங்கேயே நின்றனர். சம்பவ இடத்திற்கு வந்த போலீசார் கடத்தல்காரனைக் கைது செய்து, காரின் உள்ளே உயிருடன் இருந்த சிறுமி ஜலிஸ்ஸாவை மீட்டனர். தங்களின் விழிப்புணர்வாலும் துணிச்சலாலும் ஒரு பச்சிளம் உயிரைக் காப்பாற்றி, அந்தச் சிறுமி பத்திரமாக வீடு திரும்பக் காரணமான இந்த இரு தொழிலாளர்களும் தற்போது அந்த நாட்டின் நிஜ “ஹீரோக்களாக” கொண்டாடப்பட்டு வருகின்றனர்.