“சொந்த வீடு போல இருக்கு…” சாதனை படைத்த சச்சினின் நண்பர் வினோத் காம்ப்ளி… இன்று முதியோர் இல்லத்தில்.. நெஞ்சை உலுக்கும் வைரல் வீடியோ..!!

முன்னாள் இந்திய கிரிக்கெட் வீரரும், சச்சின் டெண்டுல்கரின் சிறுவயது நண்பருமான வினோத் காம்ப்ளி, தானேவில் உள்ள ‘நிதான் எல்டர்லி கேர்’ முதியோர் இல்லத்தில் தங்கியிருக்கும் வீடியோ சமூக வலைத்தளங்களில் வெளியாகி ரசிகர்களிடையே பெரும் அதிர்ச்சியையும் சோகத்தையும் ஏற்படுத்தியுள்ளது. கடந்த சில ஆண்டுகளாக கடுமையான உடல்நலப் பாதிப்புகள் மற்றும் நிதி நெருக்கடிகளால் அவதிப்பட்டு வந்த 54 வயதான வினோத் காம்ப்ளி, தனது உடல்நல மீட்சி மற்றும் தொடர் மருத்துவப் பராமரிப்பிற்காக இந்த முதியோர் இல்லத்தில் தங்கி சிகிச்சை பெற்று வருவதாகத் தகவல்கள் தெரிவிக்கின்றன.

https://twitter.com/SonOfBharat_88/status/2103648520201019828?s=20

இந்த முதியோர் இல்லத்தில் இருந்து வினோத் காம்ப்ளி வெளியிட்டுள்ள உருக்கமான வீடியோவில், இங்குள்ள தூய்மை மற்றும் மருத்துவ வசதிகள் மிகச் சிறப்பாக இருப்பதாகவும், தனக்குத் தேவையான அனைத்து அன்பும் மரியாதையும் பணியாளர்களிடம் இருந்து கிடைப்பதாகவும் தெரிவித்துள்ளார். மேலும், இது தனக்குத் தன் சொந்த வீடு போல உணர்வைத் தருவதாகவும் அவர் நெகிழ்ச்சியுடன் குறிப்பிட்டுள்ளார். ஒரு காலத்தில் இந்திய கிரிக்கெட் அணியில் அதிரடி பேட்ஸ்மேனாக வலம் வந்து, பல சாதனைகளைப் படைத்த ஒரு நட்சத்திர வீரர் இன்று முதியோர் இல்லத்தில் தங்கியிருக்கும் நிலை, வாழ்க்கையின் கணிக்க முடியாத விசித்திர பக்கங்களை உணர்த்துவதாக நெட்டிசன்கள் பலரும் தங்களது கருத்துக்களைப் பகிர்ந்து வருகின்றனர்.