யாரும் எதிர்பார்க்காத மேஜிக்…சினிமாவா இல்லை நிஜமா?…குழந்தைகள் செய்த அந்த ஒரு காரியம் தான் காரணமா…தமிழ்நாட்டின் சி.எம் நாற்காலியில் விஜய் அமர்ந்த ரகசியம் …உடைக்கும் பிரபல இயக்குநர்…!”

தமிழ்நாடு சட்டப்பேரவைத் தேர்தலில் அமோக வெற்றி பெற்று, மாநிலத்தின் புதிய முதலமைச்சராகத் தமிழக மக்கள் முன்னிலையில் விஜய் பதவியேற்றுள்ளார். அவர் முதலமைச்சர் நாற்காலியில் அமர்வார் என்று பலரும் எதிர்பார்க்காத நிலையில், இந்த இமாலய வெற்றியை அவர் எப்படிச் சாத்தியமாக்கினார் என்ற விவாதம் தற்போது அரசியல் வட்டாரத்தில் பரவலாக எழுந்துள்ளது. ஆரம்பக் காலம் முதலே பெண்கள், இளைஞர்கள் மற்றும் குழந்தைகள் மத்தியில் தனக்கிருந்த செல்வாக்கை விஜய் மிகச்சரியாகப் பயன்படுத்திக் கொண்டார். தனது ‘மக்கள் இயக்கம்’ மூலம் பல ஆண்டுகளாகத் தொடர்ந்து செய்து வந்த நற்பணிகளின் தொடர்ச்சியாக, கடந்த தேர்தலில் அவரது கட்சி 108 தொகுதிகளைக் கைப்பற்றி ஆட்சிக்கட்டிலில் அமர்ந்து அசத்தியுள்ளது.

விஜய்யின் இந்த அரசியல் வெற்றிக்கு அவரது கட்சியின் சமூக ஊடக உத்திகள், இளைஞர்களின் எழுச்சி மற்றும் பெண்களின் பேராதரவு ஆகியவை மிக முக்கியக் காரணங்களாக அமைந்தன. குறிப்பாக, சிறுவர், சிறுமியர் தங்களது பெற்றோரை வற்புறுத்தி விஜய்க்கு வாக்களிக்கச் செய்த வினோதமான சம்பவங்களும் இந்தத் தேர்தலில் அரங்கேறின. குழந்தைகளை முன்னிறுத்தி வாக்குச் சேகரித்த விவகாரம் நீதிமன்றம் வரை சென்றது தனிச் செய்தியாக இருந்தாலும், அடிமட்ட அளவில் இந்த ‘சைல்டு சென்டிமென்ட்’ மற்றும் குடும்பங்களின் வாக்குகள் விஜய்யின் பக்கம் சாய்ந்ததே இந்த அரசியல் மாற்றத்திற்கு அஸ்திவாரமாக அமைந்தது.

இந்நிலையில், விஜய்யின் இந்த அதிரடி வெற்றி குறித்து பிரபல இயக்குநர் லிங்குசாமி அண்மையில் ஒரு நிகழ்ச்சியில் பகிர்ந்துள்ள கருத்துகள் சமூக வலைதளங்களில் வைரலாகி வருகின்றன. தேர்தல் சமயத்தில் தங்களது வீட்டுப் பணியாளர்கள் முதல் அண்டை வீட்டினர் வரை பலரும், தங்களது பாரம்பரிய அரசியல் விருப்பங்களை மாற்றி விஜய்க்கு வாக்களிக்கத் தயாரானதை அவர் சுட்டிக்காட்டியுள்ளார். “எங்கு பார்த்தாலும் விஜய் என்ற சத்தம் கேட்டபோதே ஏதோ ஒரு மேஜிக் நிகழப்போகிறது என்பது புரிந்தது; தற்போது சினிமாவைக் கடந்து அவர் நிஜ அரசியலுக்கு வந்துவிட்டார், அவருடன் சேர்ந்து மக்களும் அரசியலுக்குள் வந்துவிட்டார்கள்” என்று லிங்குசாமி நெகிழ்ச்சியுடன் குறிப்பிட்டுள்ளார்.