அதிர்ஷ்டமாய் பிறந்த மகள்..உலகத்தையே கையில் பிடித்த சந்தோஷம்… இன்று பிரிந்து நிற்கும் குடும்பம்…’சிவகாசி’ நடிகை உடைத்த முதலமைச்சர் விஜய்யின் நெகிழ்ச்சிப் பின்னணி…!

தமிழக முதலமைச்சராகப் பதவியேற்று விஜய் புதிய அரசியல் வரலாற்றைப் படைத்துள்ள போதிலும், அவரது தனிப்பட்ட குடும்ப வாழ்க்கையில் ஏற்பட்டுள்ள விரிசல் தற்போதைய அரசியல் மற்றும் சினிமா வட்டாரங்களில் பெரும் விவாதப் பொருளாக மாறியுள்ளது. விஜய் அரசியல் கட்சி ஆரம்பித்துத் தேர்தலைச் சந்திப்பதற்குச் சில மாதங்களுக்கு முன்பே, அவரது மனைவி சங்கீதா செங்கல்பட்டு குடும்பநல நீதிமன்றத்தில் விவாகரத்து கோரி மனுத்தாக்கல் செய்து அதிர்ச்சியளித்தார். அந்த மனுவில், விஜய்க்கும் மற்றொரு நடிகைக்கும் இடையே இருக்கும் திருமணத்தை மீறிய உறவு உள்ளிட்ட பல்வேறு அடுக்கடுக்கான குற்றச்சாட்டுகளை அவர் முன்வைத்திருந்தது ஒட்டுமொத்த தமிழகத்திலும் பெரும் பரபரப்பை ஏற்படுத்தியது.

இந்த விவகாரத்தில் விஜய்யின் மகன் ஜேசன் சஞ்சய் மற்றும் மகள் திவ்யா சாஷா ஆகிய இருவருமே தங்களது தாயின் பக்கமே நிற்பதாகத் திரையுலகினர் தெரிவிக்கின்றனர். பிள்ளைகளின் இந்த நிலைப்பாட்டினால் ஏற்பட்ட வருத்தம் காரணமாகவே, மகள் திவ்யா சாஷா வெளிநாட்டில் பட்டம் வாங்கிய விழாவிற்குக்கூட விஜய் செல்லவில்லை எனக் கூறப்பட்டது. மேலும், சஞ்சய் தான் இயக்கும் ‘சிக்மா’ திரைப்படத்தின் போஸ்டரில் விஜய்யின் இனிஷியலுக்குப் பதிலாக, தாய் சங்கீதாவின் பெயரையே பயன்படுத்தியிருந்தார். இந்தத் தம்பதியரின் பிரிவு தேர்தலின் போது விஜய்க்குப் பின்னடைவை ஏற்படுத்தும் என எதிர்பார்க்கப்பட்ட நிலையில், அவர் தேர்தலில் வென்று முதலமைச்சராகப் பதவியேற்றார். எனினும், அவரது பிரம்மாண்ட பதவியேற்பு விழாவிற்கு மனைவி மற்றும் பிள்ளைகள் யாரும் வராதது குறித்து இயக்குநர் சமுத்திரகனி உள்ளிட்ட பலரும் தங்களது ஆதங்கத்தை வெளிப்படுத்தியிருந்தனர்.

குடும்பத்தில் இத்தனை புயல் வீசிக்கொண்டிருக்கும் வேளையில், ‘சிவகாசி’ திரைப்படத்தில் விஜய்யுடன் நடித்த நடிகை லக்‌ஷனா, விஜய்யின் மகள் பாசம் குறித்துப் பகிர்ந்துள்ள பழைய நினைவுகள் தற்போது இணையத்தில் வைரலாகி வருகின்றன. அந்தப் பேட்டியில் அவர், “சிவகாசி படப்பிடிப்பின் போது ஒரு வெள்ளிக்கிழமை அன்றுதான் விஜய்க்குப் பெண் குழந்தை பிறந்தது. உடனே என்னை அவரது கேரவனுக்கு அழைத்து, கைகளில் லட்டுவைக் கொடுத்து, ‘வெள்ளிக்கிழமை மகள் பிறந்தால் அதிர்ஷ்டம்’ என்று நெகிழ்ச்சியோடு கூறினார். ஒட்டுமொத்த உலகத்தையுமே தன் கைகளில் பிடித்தது போன்ற ஒரு பேரானந்தத்தை அன்று அவரது முகத்தில் நான் பார்த்தேன்” என்று குறிப்பிட்டுள்ளார். அன்று மகளின் பிறப்பை அத்தனை கொண்டாடிய விஜய், இன்று முதலமைச்சராகப் பதவியேற்கும் மாபெரும் தருணத்தில் அவரது குடும்பத்தினர் யாரும் அருகில் இல்லாதது ரசிகர்களிடையே பெரும் சோகத்தை ஏற்படுத்தியுள்ளது.