நள்ளிரவில் என்ன நடந்தது?..”ஃபேஸ்புக்கில் போட்ட ஒரு போஸ்ட்… ரஜினி பட வில்லனைத் தேடும் போலீஸ்.. அதிர்ச்சியில் கோலிவுட்…!”

ரஜினியின் ‘ஜெயிலர்’ திரைப்படத்தில் தனது மிரட்டலான வில்லன் நடிப்பால் கவனம் ஈர்த்த மலையாள நடிகர் விநாயகம், தற்போது புதிய சட்டச் சிக்கலில் மாட்டியுள்ளார். கடந்த ஜூலை 2025-ல், நபர் ஒருவர் விநாயகத்திற்கு எதிரான சமூக வலைத்தளப் பதிவு ஒன்றை அவருக்கு வாட்ஸ்அப்பில் அனுப்பியுள்ளார். இதனால் ஆத்திரமடைந்த நடிகர், அந்த நபரின் வாட்ஸ்அப் விவரங்களையும், அவரது முகப்புப் படமாக வைக்கப்பட்டிருந்த 8 வயது சிறுமியின் புகைப்படத்தையும் ஸ்கிரீன்ஷாட் எடுத்து, நள்ளிரவில் தனது அதிகாரப்பூர்வ ஃபேஸ்புக் கணக்கில் பொதுவெளியில் பகிர்ந்துள்ளார்.

அனுமதியின்றி வெளியிடப்பட்ட இந்தப் பதிவால் அந்தச் சிறுமியின் குடும்பத்தினருக்குப் பெரும் நெருக்கடி ஏற்பட்டது. இணையவாசிகள் பலரும் அந்தப் பதிவைப் பகிர்ந்து அவதூறான கருத்துக்களைத் தெரிவித்தனர். மேலும், ஸ்கிரீன்ஷாட்டில் இருந்த தொலைபேசி எண்ணை விநாயகத்தின் எண் எனத் தவறாக நினைத்து, சிறுமியின் தந்தைக்குத் தொடர்புகொண்டு ஆபாசமாகத் திட்டியுள்ளனர். இந்தத் தொடர் தொல்லைகளால் மனமுடைந்த அவர், கேரள குழந்தைகள் உரிமைப் பாதுகாப்பு ஆணையத்தில் முறையிட்டார். இதன் அடிப்படையில், பெண்களின் தனிப்பட்ட உரிமையை மீறியது மற்றும் தகவல் தொழில்நுட்ப விதிகளை மீறியது உள்ளிட்ட பிரிவுகளின் கீழ் காவல் துறையினர் விநாயகம் மீது வழக்குப் பதிவு செய்து விசாரித்து வருகின்றனர்.

நடிகர் விநாயகம் இதுபோன்று சர்ச்சைகளில் சிக்குவது புதிய விஷயமல்ல. இதற்கு முன்பும் பொது இடங்களில் மதுபோதையில் தகராறு செய்ததற்காக அவர் காவல் துறையினரால் கைது செய்யப்பட்டுள்ளார். குறிப்பாக, கேரளாவில் உணவகப் பணியாளர்களிடம் அத்துமீறிய சம்பவம் மற்றும் 2024 செப்டம்பரில் கொச்சியில் இருந்து கோவா செல்லும் வழியில் விமான நிலையப் பாதுகாப்புப் படையினருடன் போதையில் மோதலில் ஈடுபட்டது என அவர் மீது ஏற்கெனவே பல புகார்கள் மற்றும் வழக்குகள் இருப்பது குறிப்பிடத்தக்கது.