“செம சர்ப்ரைஸ்… இப்படி ஒரு பொண்ணு கிடைக்க குடுத்து வச்சிருக்கணும்…! 50-வது பிறந்தநாளில் தந்தையை அழ வைத்த மகள்..! வைரலாகும் நெகிழ்ச்சி வீடியோ..!!”

ஒரு தந்தை தன் வாழ்நாள் முழுவதையும் பிள்ளைகளின் ஆசைகளை நிறைவேற்றுவதற்காகவே அர்ப்பணிக்கிறார். தனக்கென்று எதையும் வாங்கிக் கொள்ளாவிட்டாலும், பிள்ளைகளின் முகத்தில் மகிழ்ச்சியைக் காணவே அவர் உழைக்கிறார். பிள்ளைகள் வளர்ந்த பிறகு தந்தையின் இந்தத் தியாகத்தைப் புரிந்து கொண்டு அவருக்குப் பரிசளிக்கும் தருணம் மிகவும் நெகிழ்ச்சியானது. அப்படி ஒரு சம்பவமாக, நந்தினி என்ற பெண் தனது தந்தையின் 50-வது பிறந்தநாளை முன்னிட்டு ஒரு புதிய பளபளக்கும் பைக்கை பரிசாக வழங்கியுள்ளார். இந்த நெகிழ்ச்சியான வீடியோ தற்போது சமூக வலைத்தளங்களில் வைரலாகி வருகிறது.

இன்ஸ்டாகிராமில் பகிரப்பட்ட இந்த வீடியோவில், நந்தினி வீடியோ கால் மூலமாகத் தனது குடும்பத்தினருடன் இணைந்திருக்கிறார். அப்போது அவரது தந்தை, தாய் மற்றும் சகோதரனுடன் வீட்டை விட்டு வெளியே வருகிறார். வாசலில் சிவப்பு நிறத் துணியால் மூடப்பட்டிருந்த ஒரு வாகனத்தைக் கண்டு அவர் ஆச்சரியமடைகிறார். பட்டாசுகள் வெடிக்க, அந்தத் துணி அகற்றப்பட்டதும் அங்கு ஒரு புதிய பைக் நிற்பதைக் கண்டு தந்தை இன்ப அதிர்ச்சியில் மூழ்குகிறார். இந்தத் திட்டத்திற்கு உதவிய தனது மகனைக் கட்டிப்பிடித்துக் கொண்ட தந்தை, வீடியோ காலில் இருந்த மகளிடம் பேசி ஆனந்தக் கண்ணீர் மல்க நன்றி கூறுகிறார்.

https://www.instagram.com/reel/DaoAzayMrmP/?utm_source=ig_web_button_share_sheet

இந்த வீடியோவைப் பகிர்ந்த நந்தினி, “எனக்காக எல்லாவற்றையும் கொடுத்த ஒரு மனிதரின் 50 வருட வாழ்க்கை இது. தந்தை எப்போதும் குடும்பத்திற்குத்தான் முதலிடம் கொடுத்தார். எனக்கே என் மீது சந்தேகம் இருந்தபோது அவர் என் மீது நம்பிக்கை வைத்தார். இன்று அவருக்கு ஏதேனும் திரும்பச் செய்ய எனக்கு வாய்ப்பு கிடைத்துள்ளது; இது வெறும் பரிசு அல்ல, அவரின் தியாகத்திற்கான எனது சிறிய நன்றி” என்று உருக்கமாகப் பதிவிட்டுள்ளார். இந்த வீடியோவைச் சமூக வலைத்தளங்களில் பார்த்த லட்சக்கணக்கான மக்கள், அந்தப் பெண்ணின் வளர்ப்பையும் பாசத்தையும் பாராட்டி, “பெற்றோரை மகிழ்ச்சியாகப் பார்ப்பதே வாழ்க்கையின் மிகப்பெரிய வெற்றி” என்று நெகிழ்ச்சியோடு கருத்து தெரிவித்து வருகின்றனர்.