பாஜக, தவெக-வை இணைக்கப் பார்க்கிறாரா வைகோ..? மல்லை சத்யா அதிரடி குற்றச்சாட்டு..!!

மதிமுக பொதுச்செயலாளர் வைகோ, ஒரு புத்தக வெளியீட்டு விழாவின் மூலமாக பாரதிய ஜனதா கட்சி மற்றும் தமிழக வெற்றிக் கழகம் ஆகிய இரு கட்சிகளையும் ஒன்றிணைப்பதற்கான வேலைகளைப் பார்த்து வருகிறார் என்று மல்லை சத்யா அவர்கள் கடுமையாக விமர்சித்துள்ளார். திருச்சியில் நடைபெற்ற ஒரு நிகழ்வில் பேசிய அவர் இக்குற்றச்சாட்டுகளை முன்வைத்துள்ளார்.

தொடர்ந்து பேசிய மல்லை சத்யா, முன்பு தமிழக அரசியலில் இருந்த சுதந்திரா கட்சி எவ்வாறு தடம் தெரியாமல் காணாமல் போனதோ, அதேபோல வைகோவின் காலத்திலேயே மதிமுக கட்சியும் காணாமல் போய்விடும் என்று மிகக் கடுமையான முறையில் சாடியுள்ளார்.

டெல்லியில் நடைபெறவிருக்கும் புத்தக வெளியீட்டு விழாவில், இந்தியாவின் துணை ஜனாதிபதி சி.பி. ராதாகிருஷ்ணன் மற்றும் தமிழக முதல்வர் விஜய் ஆகியோரின் முன்னிலையில் தனது புத்தகத்தை வெளியிட வைகோ திட்டமிட்டுள்ளார். இந்த நிகழ்வைச் சுட்டிக்காட்டியே, பாஜக மற்றும் தவெக ஆகிய கட்சிகளை இணைக்க வைகோ முயல்கிறார் என மல்லை சத்யா தனது விமர்சனத்தை முன்வைத்துள்ளார்.