“ஒரு போன் காலில் சிக்கிய லஞ்ச அதிகாரி!.. ஸ்பாட்டிலேயே சஸ்பெண்ட்.. அமைச்சரின் மாஸ் ஆக்ஷன்.. கடலூரில் பரபரப்பு சம்பவம்..!!

கடலூர் அருகே நெல் கொள்முதல் நிலையத்தில் விவசாயிகளிடம் லஞ்சம் கேட்ட அதிகாரிகளை உடனடியாக சஸ்பெண்ட் செய்யும்படி தமிழக அமைச்சர் வெங்கடரமணன் உத்தரவிட்டுள்ளார். இது தொடர்பான வீடியோ தற்போது சமூக வலைதளங்களில் தீயாய் பரவி, பெரும் வைரலாகி வருகிறது.அமைச்சர் வெங்கடரமணன் இன்று கடலூர் மாவட்டத்திற்கு உட்பட்ட வடலூர் பகுதியில் உள்ள அரசு நெல் கொள்முதல் நிலையத்திற்குச் சென்று திடீர் ஆய்வு மேற்கொண்டார்.

அப்போது அங்கு வந்திருந்த உள்ளூர் விவசாயிகள், கொள்முதல் நிலைய அதிகாரிகள் ஒவ்வொரு நெல் மூட்டைக்கும் தலா ₹50 வீதம் கட்டாயமாக லஞ்சம் கேட்பதாக அமைச்சரிடம் நேரடியாகக் கண்ணீர் மல்கக் குற்றஞ்சாட்டினர். விவசாயிகளின் இந்தத் துயரமான புகாரைக் கேட்ட அமைச்சர், அங்கிருந்த அதிகாரிகள் மீது கடும் கோபமடைந்தார். உடனே, விவசாயிகளை அலைக்கழித்து லஞ்சம் வாங்கிய அதிகாரிகளைப் பணியிடை நீக்கம் (சஸ்பெண்ட்) செய்யுமாறு மாவட்ட ஆட்சியருக்கு அதிரடியாக உத்தரவிட்டார். அமைச்சரின் இந்த உடனடி நடவடிக்கை விவசாயிகளிடையே பெரும் வரவேற்பைப் பெற்றுள்ளது.