“யாருப்பா அந்த செபாஸ்டியன் சீமான்” முதல்ல உங்க லட்சணத்தை பாருங்க பாஸ்.. விஜய்யை விமர்சித்த சீமானுக்குத் திருப்பி அடித்த தவெக… ஆதாரத்தை வெளியிட்டு நெட்டிசன்கள் அதிரடி கேள்வி..!!!

நாம் தமிழர் கட்சியின் ஒருங்கிணைப்பாளர் சீமான், தமிழக முதலமைச்சர் சி. ஜோசப் விஜய்யின் பெயரை மையமாக வைத்து அண்மையில் கடுமையான விமர்சனம் ஒன்றை முன்வைத்துள்ளார். “திரைப்படங்களில் நடித்தபோதெல்லாம் ஏன் ‘ஜோசப் விஜய்’ என்று போடாமல் வெறும் ‘விஜய்’ என்று மட்டும் வைத்திருந்தீர்கள்? முதலமைச்சரான பிறகுதான் ஜோசப் விஜய் என்று நினைவுக்கு வந்ததா?” என்று சீமான் கேள்வி எழுப்பியது அரசியல் வட்டாரத்தில் பெரும் விவாதத்தைக் கிளப்பியது. மக்களுக்குச் சேவை செய்ய வந்த ஒரு தலைவரின் மத அடையாளத்தையும் பெயரையும் பிடித்துக்கொண்டு சீமான் அரசியல் செய்வதாகப் பரவலான விமர்சனங்கள் எழுந்தன.

இதற்குப் பதிலடி கொடுக்கும் விதமாக, தமிழக வெற்றிக் கழகத் தொண்டர்கள் மற்றும் நெட்டிசன்கள் சமூக வலைதளமான எக்ஸ் தளத்தில் சீமானுக்கு எதிரான ஆதாரப்பூர்வமான பதிவு ஒன்றை வெளியிட்டு வைரலாக்கி வருகின்றனர். சீமான் எதையெல்லாம் சுட்டிக்காட்டி முதலமைச்சர் விஜய்யை விமர்சித்தாரோ, அதே பாணியில் அவருக்கே திருப்பி அடிக்கும் விதமாக அந்தப் பதிவு அமைக்கப்பட்டுள்ளது. சீமானின் தந்தையின் உண்மையான பெயர் ‘செபாஸ்டியன்’ என்றும், அதை மறைத்துத்தான் தற்போது அவர் ‘செந்தமிழன் சீமான்’ என்று கூறி வருகிறார் என்றும் நெட்டிசன்கள் அதில் குற்றம் சாட்டியுள்ளனர்.

இதற்குச் சான்றாக, கடந்த 2009-ஆம் ஆண்டு சீமான் கனடா நாட்டிற்குச் சென்றபோது பதிவு செய்யப்பட்ட அதிகாரப்பூர்வப் பயண ஆவணத்தை நெட்டிசன்கள் எக்ஸ் தளத்தில் ஆதாரமாக இணைத்துள்ளனர். அதில் அவரது பெயர் ‘செபாஸ்டியன் சீமான்’ என்றே குறிப்பிடப்பட்டுள்ளது. “முதலமைச்சரின் பெயரை விமர்சிப்பதற்கு முன்னதாக, சொந்தப் பின்னணியையும் பெயரையும் மறைக்காமல் இருக்கிறீர்களா எனப் பாருங்கள்” என்று நெட்டிசன்கள் சீமானை நோக்கிச் சரமாரியாகக் கேள்விகளை எழுப்பி வருவதால், இணையத்தில் இந்த விவாதம் தற்பொழுது அனல் பறந்து கொண்டிருக்கிறது.