செம டுவிஸ்ட்..! திருச்சி கிழக்கில் த்ரிஷா போட்டியிட்டால் என்ன தப்பு..? குண்டை தூக்கிப்போட்ட விஜய் வசந்த் எம்பி.. அதிரும் அரசியல் வட்டாரம்..!!

திருச்சி கிழக்கு இடைத்தேர்தலில் நடிகை த்ரிஷா போட்டியிடுவதில் என்ன தவறு இருக்கிறது என்று காங்கிரஸ் எம்பி விஜய் வசந்த் கேள்வி எழுப்பியுள்ளார். ஜனநாயக நாட்டில் யார் வேண்டுமானாலும் தேர்தலில் போட்டியிடலாம் என்றும், அது அவர்களது தனிப்பட்ட விருப்பம் என்றும் அவர் கூறினார். மேலும், “தமிழக வெற்றிக் கழகம் வேட்பாளராக த்ரிஷாவை நிறுத்த விரும்பினால், அது அக்கட்சியின் முடிவு” என்று அவர் தெளிவுபடுத்தினார்.

தமிழக வெற்றிக் கழகத்தின் தலைவர் விஜய் உடன் சினிமாவில் நடித்தவர்கள் அரசியலுக்கு வர விரும்புவதில் ஆச்சரியமில்லை என்று விஜய் வசந்த் சுட்டிக்காட்டினார். திரைத்துறையைச் சேர்ந்தவர்கள் அரசியலில் நுழைவது புதிய விஷயமல்ல என்றும், தகுதியும் விருப்பமும் உள்ள எவரும் தங்களை மக்கள் பணியில் ஈடுபடுத்திக் கொள்ள முழு உரிமை உண்டு என்றும் அவர் ஆதரவு தெரிவித்தார்.

இந்த விவகாரத்தில் கட்சியின் முடிவுகளும் தனிநபரின் ஜனநாயக உரிமைகளும் மதிக்கப்பட வேண்டும் என்பதை அவர் வலியுறுத்தினார். த்ரிஷா தேர்தலில் போட்டியிடுவது குறித்த வதந்திகள் மற்றும் விவாதங்களுக்கு மத்தியில், ஒரு நாடாளுமன்ற உறுப்பினராக விஜய் வசந்த் தெரிவித்துள்ள இந்த கருத்து அரசியல் வட்டாரத்தில் கவனத்தைப் பெற்றுள்ளது.