“அமைச்சர் பதவி ஆசை” அதனால் தான் விசிக வெளியேறியது… திருமாவளவனுக்கு பிரேமலதா விஜயகாந்த் அதிரடி பதிலடி..!!

அமைச்சர் பதவிக்காக திமுக கூட்டணியை விட்டு விசிக வெளியேறியதாக தேமுதிக பொதுச் செயலாளர் பிரேமலதா விஜயகாந்த் சாடியுள்ளார். சென்னையில் இன்று செய்தியாளர்களிடம் பேசிய அவர், கடந்த சட்டமன்றத் தேர்தலில் திமுக கூட்டணியில் தேமுதிகவிற்கு கூடுதல் சீட்டுகள் ஒதுக்கப்பட்டதால் குழப்பம் ஏற்பட்டதாக விடுதலைச் சிறுத்தைகள் கட்சி தலைவர் தொல். திருமாவளவன் விமர்சித்ததற்கு இவ்வாறு பதிலடி கொடுத்துள்ளார்.

மக்கள் நலக் கூட்டணி அமைந்த காலத்தில் மறைந்த தேமுதிக தலைவர் “கேப்டன்” விஜயகாந்தை முதலமைச்சர் வேட்பாளராக முன்மொழிந்தவரே திருமாவளவன்தான் என்பதை பிரேமலதா சுட்டிக்காட்டினார். 2016 ஆம் ஆண்டு தேர்தலில் மட்டும் கேப்டனை முதலமைச்சர் வேட்பாளராக அவர் எப்படி ஏற்றுக்கொண்டார் என்ற கேள்வியையும் அவர் எழுப்பினார்.

மேலும், அந்தத் தேர்தல் காலகட்டத்தில் தமக்காக திருமாவளவன் வாக்கு சேகரித்து தீவிரப் பிரசாரம் மேற்கொண்டதையும் பிரேமலதா நினைவு கூர்ந்தார். அவ்வாறு தங்களை ஆதரித்தவர், தற்போது தேமுதிகவிற்கு அதிக இடங்கள் ஒதுக்கப்பட்டது குறித்து விமர்சிப்பது முறையல்ல என்று அவர் குறிப்பிட்டார்.

அமைச்சர் பதவியைப் பெறுவதற்காகவே தற்போது விசிக வேறு கூட்டணிக்கு மாறியுள்ளது என்பதே உண்மை என்று பிரேமலதா விஜயகாந்த் குற்றம் சாட்டினார். இந்த விவகாரத்தில் திருமாவளவனின் விமர்சனங்களுக்குத் தகுந்த விளக்கமளித்துள்ள அவரது இந்த அரசியல் பேட்டி தற்போது பெரும் பரப்பரப்பை ஏற்படுத்தியுள்ளது.