அதெப்படி திமிங்கலம்..? விஜய்யின் ₹14,00,00,00,000 கோடி எங்கே..? இபிஎஸ் கணக்கை தவிடுபொடியாக்கிய நெட்டிசன்களின் தர்க்க ரீதியான பதிலடி..!

தமிழக முதல்வர் மற்றும் தவெக தலைவர் சி. ஜோசப் விஜய்யின் சொத்து மதிப்பு குறித்து, அதிமுக பொதுச்செயலாளர் எடப்பாடி கே. பழனிசாமி தேர்தல் பரப்புரைக் கூட்டத்தில் எழுப்பியுள்ள கணக்கு அரசியல் வட்டாரத்தில் பெரும் விவாதத்தைக் கிளப்பியுள்ளது. ஒரு படத்திற்கு ₹200 கோடி சம்பளம் வாங்கும் விஜய், இதுவரை 70 படங்களில் நடித்துள்ளதாகக் குறிப்பிட்டு, அதன் மூலம் அவருக்கு ₹14,000 கோடி வருவாய் கிடைத்திருக்க வேண்டும் என்று ஈபிஎஸ் வாதிட்டார். ஆனால், அவர் தனது தேர்தல் பிரமாணப் பத்திரத்தில் சுமார் ₹600 கோடி மட்டுமே சொத்து இருப்பதாகக் காட்டியுள்ளது முரணாக உள்ளது என ஈபிஎஸ் பொதுவெளியில் கேள்வி எழுப்பியுள்ளார்.

இந்த பேச்சுக்கு எதிராக சமூக வலைத்தளங்களில் நெட்டிசன்கள் மற்றும் விஜய் ரசிகர்கள் கடுமையான எதிர்வினையாற்றி வருகின்றனர். விஜய் தனது திரைப்பயணத்தில் இதுவரை 69 படங்களில் மட்டுமே நடித்துள்ளார் என்றும், ஈபிஎஸ் கூறுவது போல் 70 படங்கள் இன்னும் நிறைவடையவில்லை என்றும் சுட்டிக்காட்டி வருகின்றனர். மேலும், விஜய் தனது ஆரம்பகாலப் படங்களில் மிகக் குறைந்த சம்பளமே பெற்றார் என்றும், சமீபத்திய ஒரு சில படங்களுக்கு மட்டுமே ₹200 கோடி அல்லது அதற்கு மேல் சம்பளமாகப் பெற்றார் என்றும் கூறி ஈபிஎஸ்-ஸின் ஒட்டுமொத்தக் கணக்கீட்டையும் அவர்கள் மறுத்து வருகின்றனர்.

விஜய் தேர்தல் பிரமாணப் பத்திரத்தில் தாக்கல் செய்துள்ள சொத்து விவரங்களின்படி, அவரின் ஒட்டுமொத்த நிகர சொத்து மதிப்பு ₹603.20 கோடி ஆகும். இதில் வங்கிக் கணக்கு சேமிப்புகள், சொகுசு கார்கள் மற்றும் சென்னையில் உள்ள பங்களாக்கள் ஆகியவை அடங்கும். ஈபிஎஸ்-ஸின் இந்த ₹14,000 கோடி கணக்கு விமர்சனம் முற்றிலும் அரசியல் உள்நோக்கம் கொண்டது என்றும், உண்மைக்கு புறம்பான எளிய பெருக்கல் கணக்கீடு என்றும் இணையத்தில் விவாதங்கள் அனல் பறக்கின்றன.