திக் திக் நிமிடங்கள்..!  ஹெல்மட் மட்டும் இல்லைனா என்ன ஆயிருக்கும்..? திடீரென குறுக்கே பாய்ந்த தெரு நாய்..! நிலைதடுமாறி காரில் மோதிய பைக் ஓட்டி..! நெஞ்சை உலுக்கும் பகீர் வீடியோ..!!

சாலையில் திடீரெனக் குறுக்கே பாய்ந்த தெரு நாயால், இருசக்கர வாகனத்தில் சென்ற நபர் ஒருவர் நிலைதடுமாறி நடுரோட்டில் விழுந்து, எதிரே வந்த கார் மோதி கோர விபத்திற்குள்ளான சம்பவம் பெரும் பரபரப்பை ஏற்படுத்தியுள்ளது.

சமீபத்தில் நடந்த இந்த அதிர்ச்சிச் சம்பவத்தில், இருசக்கர வாகன ஓட்டி சாலையில் தூக்கி வீசப்பட்டுச் சறுக்கிக் கொண்டே சென்றபோது, எதிரே அதிவேகமாக வந்த கார் அவர் மீது நேரடியாக மோதியது. ஆனால், அவர் முறையாகத் தலைக்கவசம் அணிந்திருந்ததால், தலையில் பலத்த காயம் எதுவுமின்றி அதிர்ஷ்டவசமாக உயிர் தப்பியுள்ளார்.

கண் இமைக்கும் நேரத்தில் நடைபெறும் இதுபோன்ற எதிர்பாராத விபத்துகளில் இருந்து உயிரைக் காக்க தலைக்கவசம் எவ்வளவு முக்கியம் என்பதை உணர்த்தும் இந்த விபத்து வீடியோ காட்சி சமூக வலைதளங்களில் வைரலாகி வருகிறது. சிறிய தூரப் பயணமாக இருந்தாலும் கட்டாயம் தலைக்கவசம் அணிய வேண்டும் என்றும், மக்கள் நடமாட்டம் மற்றும் குறுகிய சாலைகளில் மணிக்கு 40 கி.மீ வேகத்திற்கு மிகாமல் மிதமான வேகத்தில் செல்ல வேண்டும் என்றும் வீதிப் பாதுகாப்பு ஆர்வலர்கள் வலியுறுத்தியுள்ளனர்.