“கட்சியா? இல்லை Narcos கூடாரமா..?” தவெக-வை கிழித்து தொங்கவிட்ட உதயநிதி.. பின்னணியில் இருக்கும் அந்த 135 கிலோ விவகாரம்.. பரபரக்கும் தமிழக அரசியல்..!!

தமிழக சட்டமன்ற எதிர்க்கட்சித் தலைவர் உதயநிதி ஸ்டாலின், நாகப்பட்டினத்தில் தமிழக வெற்றிக் கழக நிர்வாகி பூபாலன் போதைப்பொருள் வழக்கில் கைது செய்யப்பட்ட விவகாரத்தை முன்வைத்து, தவெக தலைமை மற்றும் அதன் செயல்பாடுகளை மிகக் கடுமையாக விமர்சித்துள்ளார். வரலாற்றில் இல்லாத அளவுக்கு 135 கிலோ மெத்தப்பெட்டமைன் போதைப்பொருள் பதுக்கிய குற்றச்சாட்டில் தவெக நிர்வாகி பூபாலன் மத்திய வருவாய் புலனாய்வுப் பிரிவினரால் அண்மையில் கைது செய்யப்பட்டார். இந்தச் சம்பவத்தைத் தொடர்ந்து பூபாலன் கட்சியிலிருந்து நீக்கப்பட்டாலும், அந்தப் போதைப்பொருள் கும்பலுக்கு ஆதரவாக தவெக-வின் நாகை நகரச் செயலாளர் பால்ராஜ் வக்காலத்து வாங்குவதாகவும், இதுகுறித்த செய்திகளை வெளியிடும் பத்திரிகையாளர்களுக்குத் தொடர்ந்து கொலை மிரட்டல் விடுத்து வருவதாகவும் உதயநிதி ஸ்டாலின் தனது எக்ஸ் சமூக வலைதளப் பக்கத்தில் மிகக் கடுமையான குற்றச்சாட்டுகளைப் பதிவு செய்துள்ளார்.

இந்த அட்டூழியங்களைச் சுட்டிக்காட்டி வினா எழுப்பியுள்ள எதிர்க்கட்சித் தலைவர் உதயநிதி, தவெக என்பது அரசியல் கட்சியா அல்லது சர்வதேசப் போதைப்பொருள் கடத்தல் கும்பல்களின் ‘Narcos’ கூடாரமா என்று பொதுமக்கள் கேட்கும் அளவுக்கு அதன் போதைப்பொருள் நெட்வொர்க்கின் அத்துமீறல்கள் நாளுக்கு நாள் அதிகரித்து வருவதாகச் சாடியுள்ளார். மேலும், முதலமைச்சர் சி. ஜோசப் விஜய் தலைமையிலான இந்த ஆட்சியில், தவெக கட்சியிலேயே பெரும் போதைப்பொருள் கடத்தல் மன்னர்களும், கார்டெல் மாஃபியாக்களும் எவ்வித அச்சமும் இன்றிச் சுதந்திரமாக உலா வருவதாகவும், பத்திரிகையாளர்களின் பாதுகாப்பைக் கேள்விக்குறியாக்கும் வகையில் செயல்படும் இத்தகைய சமூக விரோத சக்திகள் மீது சட்டப்படியான கடுமையான நடவடிக்கைகள் எடுக்கப்பட வேண்டும் என்றும் தனது கண்டன அறிக்கையில் வலியுறுத்தியுள்ளார்