உறைபனியாக வைக்கும் கொடூரம்.. குப்பைப்பையில் ரத்தக்கறையுடன் மனிதக் கால்கள்: அதிர்ச்சியில் போலீசார்.. கதி கலங்க வைக்கும் பின்னணி..!!

மகாராஷ்டிர மாநிலம் புனேவில் உள்ள பிம்பிள் குரவ் பகுதியில், சாலையோரம் வீசப்பட்டிருந்த குப்பைப்பையில் ஒரு மனிதனின் இரண்டு துண்டிக்கப்பட்ட கால்கள் கண்டெடுக்கப்பட்ட கொடூர சம்பவம் அப்பகுதி மக்களிடையே பெரும் அதிர்ச்சியையும் பீதியையும் ஏற்படுத்தியுள்ளது.பிம்ப்ரி சிஞ்ச்வாட் மாநகராட்சி துப்புரவுத் தொழிலாளர்கள் ஸ்ரீநகர் லேன் எண் 3-ல் குப்பைகளைச் சேகரித்துக் கொண்டிருந்தபோது, ஒரு பையில் ரத்தக்கறைகள் இருப்பதைக் கண்டு சந்தேகமடைந்து அதைத் திறந்து பார்த்துள்ளனர். அப்போது பையினுள் முழங்காலுக்குக் கீழே துண்டிக்கப்பட்ட நிலையில் இரண்டு மனிதக் கால்கள் இருந்ததைக் கண்டு அவர்கள் உறைந்து போயினர்.

இதுகுறித்து உடனடியாகத் தகவல் அறிந்த சங்வி பகுதி போலீசார், குற்றப்பிரிவு அதிகாரிகள் மற்றும் மோப்ப நாய் பிரிவினருடன் சம்பவ இடத்திற்கு விரைந்து வந்து விசாரணையைத் தொடங்கினர். முதற்கட்ட ஆய்வில் அந்தத் துண்டிக்கப்பட்ட கால்கள் ஒரு ஆணினுடையது என்பது தெரியவந்துள்ளது. இந்த பயங்கரக் கொலை குறித்து வழக்குப் பதிவு செய்துள்ள புனே காவல்துறையினர், அப்பகுதியில் உள்ள சிசிடிவி காட்சிகளைத் தீவிரமாக ஆய்வு செய்து உடலின் மற்ற பாகங்களையும், கொல்லப்பட்ட நபர் யார் என்பதையும் கண்டறியும் தேடுதல் வேட்டையில் இறங்கியுள்ளனர்.