“கல்லூரி முதல்வரின் கொடூர அச்சுறுத்தல்..?” ஹோட்டல் மேலாண்மை மாணவனின் விபரீத முடிவு.. சக மாணவர்கள் கொந்தளிப்பு.. நடுங்கவைத்த அதிர்ச்சிச் சம்பவம்..!!

ஹைதராபாத் எஸ்.ஆர். நகரில் உள்ள அமிர்தா ஹோட்டல் மேலாண்மை நிறுவனத்தில் பயின்று வந்த பானுபிரகாஷ் ரெட்டி என்ற மாணவர், கல்லூரி முதல்வரின் கடுமையான மன உளைச்சல் காரணமாகத் தற்கொலை செய்து கொண்டதாகக் கூறப்படும் சம்பவம் பெரும் அதிர்ச்சியை ஏற்படுத்தியுள்ளது. தற்கொலை குறித்த தகவல் கிடைத்தவுடன் ஹைதராபாத் எஸ்.ஆர். நகர் காவல் துறையினர் சம்பவ இடத்திற்கு விரைந்து வந்து உடலைக் கைப்பற்றி பிரேதப் பரிசோதனைக்கு அனுப்பியுள்ளனர். பானுபிரகாஷின் இந்தத் திடீர் மரணம் அவரது குடும்பத்தினரிடையேயும், சக மாணவர்களிடையேயும் ஈடுசெய்ய முடியாத பெரும் சோகத்தையும் அதிர்ச்சியையும் ஏற்படுத்தியுள்ளது.

கல்லூரி முதல்வரின் தொடர்ச்சியான தனிப்பட்ட அச்சுறுத்தல்கள் மற்றும் துன்புறுத்தல்களே பானுபிரகாஷ் ரெட்டி இந்த விபரீத முடிவை எடுக்கக் காரணம் என்று சக மாணவர்கள் மற்றும் அவரது குடும்பத்தினர் கடுமையான குற்றச்சாட்டுகளை முன்வைத்துள்ளனர். பானுபிரகாஷின் மரணத்திற்கு நீதி கேட்டு சக மாணவர்கள் கல்லூரி வளாகத்தின் முன்னால் போராட்டத்தில் ஈடுபட்டு வருகின்றனர். இந்தத் தற்கொலை மற்றும் மன உளைச்சல் குற்றச்சாட்டு குறித்து ஹைதராபாத் போலீசார் வழக்குப் பதிவு செய்து, கல்லூரி நிர்வாகத்திடமும் சம்பந்தப்பட்ட முதல்வரிடமும் தீவிர விசாரணை நடத்தி வருகின்றனர்.