“அம்மாடியோ.. பார்த்தாலே குலை நடுங்குது..” உயிருள்ள 20 அடி ராட்சத மலைப்பாம்பை சறுக்கு மரமாக்கி விளையாடும் குழந்தைகள்.. வைரலாகும் பகீர் வீடியோ..!!

இந்தோனேசியாவில் சில குழந்தைகள் 20 அடி நீளம் கொண்ட ஒரு பெரிய உயிருள்ள மலைப்பம்பை சறுக்கு விளம்பாகப் பயன்படுத்தி விளையாடும் அதிர்ச்சியூட்டும் மற்றும் வைரலான வீடியோ ஒன்று இணையத்தில் பெரும் விவாதத்தை ஏற்படுத்தியுள்ளது. எந்தவித பயமும் இன்றி சிறுவர்கள் அதன் மீது ஏறி விளையாடும் இந்த காட்சி சமூக வலைதளங்களில் பலரைக் கவலை கொள்ளச் செய்துள்ளது.

சமூக வலைதளங்களில் பரவி வரும் இந்த வீடியோவில், பல குழந்தைகள் ஒரு பெரிய மலைப்பாம்பின் மீது ஏறி, அதன் உடல் மீது உட்கார்ந்தும், சறுக்கி விளையாடுவதையும் காண முடிகிறது. அந்தப் பாம்பு உயிருடன் அசைந்தாலும், குழந்தைகள் அதை ஒரு சாதாரண விளையாட்டுப் பொருள் போலப் பயன்படுத்தி ஆனந்தமாகச் சிரித்து மகிழ்கின்றனர். ஆனால், அருகில் சில பெரியவர்கள் நின்று கொண்டு எந்தவித கவலையும் இன்றி இதைப் பார்த்துக்கொண்டும், தங்கள் செல்போன்களில் வீடியோ பதிவு செய்துகொண்டும் இருக்கின்றனர்.

வீடியோவில் உள்ள அந்தப் பாம்பு உலகின் மிகப்பெரிய பாம்பு இனங்களில் ஒன்றான ‘ரெடிகுலேட்டட் பைத்தான்’ வகையைச் சேர்ந்ததாகக் கூறப்படுகிறது. இந்த வகை பாம்புகள் நச்சுத்தன்மை கொண்டவை அல்ல என்றாலும், தங்களின் பிரம்மாண்டமான உடல் வலிமையால் இரையைச் சுற்றி வளைத்து நசுக்கிக் கொல்லும் தன்மை கொண்டவை. இதனால், குழந்தைகளின் பாதுகாப்பு குறித்து சமூக வலைதளங்களில் கடுமையான விமர்சனங்களும் கவலைகளும் எழுப்பப்பட்டு வருகின்றன.