“எனக்கும் ஒரு பேக்கேல் பார்சல்ப்பா..” திடீரென உணவகத்துக்குள் நுழைந்த 3 அடி முதலை.. அலறியடித்து ஓடிய வாடிக்கையாளர்கள்..! வைரலாகும் CCTV வீடியோ..!!

அமெரிக்காவில் உள்ள நார்த் கரோலினா மாகாணத்தில் உள்ள ஒரு பேக்கேல் கடைக்குள் எதிர்பாராதவிதமாக 3 அடி நீளமுள்ள முதலை ஒன்று நுழைந்தது. அங்குள்ள பல்பொருள் அங்காடி மற்றும் கடைப் பகுதிக்குள் அந்த ஊர்வன உயிரி சர்வசாதாரணமாக நடந்து சென்றதைப் பார்த்து கடை ஊழியர்களும் வாடிக்கையாளர்களும் கடும் அதிர்ச்சி அடைந்தனர்.

கடையின் பின்புற கதவு வழியாக உள்ளே நுழைந்த இந்த சிறிய முதலை, ஸ்டாக் ரூம் பகுதிக்குச் செல்வதை அங்கிருந்த கண்காணிப்பு கேமராக்கள் பதிவு செய்துள்ளன. இதுகுறித்துப் பேசிய கடையின் உரிமையாளர் ஜெஸ்ஸி டிரிஸ்கால், “வாடிக்கையாளர்களும் நண்பர்களும் கடைக்கு வருவது வழக்கம், ஆனால் என் வாழ்க்கையில் ஒரு மில்லியனில் ஒரு முறை கூட கடைக்குள் முதலை வரும் என்று நான் நினைத்ததே இல்லை” என்று தனது வியப்பை வெளிப்படுத்தினார்.

https://www.youtube.com/watch?t=13&v=W5JsXbnbko8

இதற்கிடையே, விலங்கு நலப் பாதுகாப்பு சேவையின் அதிகாரியான வார்டு மற்றும் சவுத்ஸ்போர்ட் காவல்துறையினர் சம்பவ இடத்திற்கு விரைந்து வந்து, அந்த இளம் முதலையைப் பாதுகாப்பாகப் பிடித்து வேறு இடத்திற்கு மாற்றினர். இந்தக் விசித்திரமான நிகழ்வைக் கடையின் தரப்பிலிருந்து சமூக வலைத்தளத்தில் பகிர்ந்து, “எங்கள் கடையின் புதிய பேக்கேல்களின் நறுமணம் சதுப்பு நிலம் வரை சென்றுவிட்டது போலிருக்கிறது!” என்று நகைச்சுவையாகக் குறிப்பிட்டனர்.