“எங்களை எதிர்த்து கோர்ட்டுக்கு போகக் கூடாது..” வேலையில் தொழிலாளிக்கு நேர்ந்த பயங்கரம்… மிரட்டி கையெழுத்து வாங்கிய கார்ப்பரேட் நிறுவனம்.. கதறும் 22 வயது இளம்பெண்.. பரபரப்பு பின்னணி..!!

மேற்கு ஜாவாவின் சிகாரங்கில் உள்ள பிடி டாய்சுன் பாபின் நிறுவனத்தில் பணிபுரிந்து வந்த 22 வயது இளம்பெண்ணான ரிந்தி நடாஸ்யாவிற்கு நேர்ந்த கொடூரமான பணி விபத்தும், அதன் பிறகு நிறுவனம் நடந்து கொண்ட விதமும் பெரும் அதிர்ச்சியை ஏற்படுத்தியுள்ளது. பணியின் போது ஏற்பட்ட விபத்து காரணமாக அவளது 2 விரல்கள் துண்டிக்கப்பட்டு அறுவை சிகிச்சை செய்யப்பட்டது. அந்தப் பாதிப்பில் இருந்து அவள் இன்னும் முழுமையாகக் குணமடையாத நிலையிலும், அவளை மீண்டும் வேலைக்கு வருமாறு நிறுவனம் கட்டாயப்படுத்தியுள்ளது. மேலும், தங்களுக்கு எதிராக நீதிமன்றத்தில் எந்தவொரு வழக்கும் தொடரக்கூடாது என்பதற்கான ஒப்பந்தத்தில் ரிந்தியை வலுக்கட்டாயமாக அந்த நிறுவனம் கையெழுத்திட வைத்துள்ளதாகக் குற்றச்சாட்டு எழுந்துள்ளது.

பாதிக்கப்பட்ட தொழிலாளிக்கு உரிய இழப்பீடு மற்றும் பொறுப்பேற்பதில் அந்த நிறுவனம் எந்தவொரு நல்நோக்கத்தையும் காட்டவில்லை என்று ரிந்தி குற்றம் சாட்டியுள்ளார். அவளது மருத்துவ சிகிச்சைக்கான அனைத்து செலவுகளும் இந்தோனேசியாவின் அரசு காப்பீடு மூலமே ஈடுசெய்யப்பட்டதே தவிர, நிறுவனத் தரப்பில் இருந்து எந்தவொரு நிதியுதவியும் வழங்கப்படவில்லை. விரல்களை இழந்த சோகத்திலும், நிறுவனத்தின் மிரட்டலால் மனிதாபிமானமற்ற முறையில் நடத்தப்பட்ட இந்த இளம்பெண்ணின் அவலநிலை சமூக வலைத்தளங்களில் வெளியாகி பெரும் அதிர்வலைகளை ஏற்படுத்தியுள்ளது.