“செக்யூரிட்டி அங்கிள்.. நான் வரமாட்டேன்..! மால் ஃபவுண்டனை ‘ஸ்விம்மிங் பூல்’ ஆக்கிய குட்டி சுட்டி..! வைரலாகும் சிறுவனின் க்யூட் குறும்பு..!!”

ஃபீனிக்ஸ் மாலில் எடுக்கப்பட்ட வீடியோ ஒன்று தற்போது சமூக வலைதளங்களில் வேகமாக பரவி வருகிறது. மாலின் உள்ளே அலங்காரத்திற்காக அமைக்கப்பட்டிருந்த ஒரு அழகான நீரூற்றை, ஒரு சிறுவன் நீச்சல் குளம் என நினைத்து அதற்குள் இறங்கி விளையாடத் தொடங்கினான். சுற்றியுள்ள மக்களைப் பற்றி எந்தக் கவலையுமின்றி, தண்ணீரில் துள்ளிக்குதித்து அவன் செய்த குறும்புத்தனமான விளையாட்டு, அங்கிருந்த அனைவரையும் ஆச்சரியப்பட வைத்ததுடன் சிரிப்பையும் வரவழைத்தது.

சிறுவனின் இந்தச் செயலைப் பார்த்த மாலின் பாதுகாப்பு ஊழியர், தனது சீருடை நனைந்துவிடும் என்பதால் தண்ணீரில் இறங்காமல் வெளியிலிருந்தபடியே அவனை வெளியே வருமாறு அழைத்தார். ஆனால் அந்தச் சிறுவன் அதைக் காதில் வாங்காமல் தண்ணீருக்குள் தொடர்ந்து விளையாடிக் கொண்டிருந்தான். மற்றொரு நபர் கரையில் இருந்தபடியே கையை நீட்டி அவனைப் பிடிக்க முயன்றபோதும், சிறுவன் அவரிடம் சிக்காமல் அங்கும் இங்கும் ஓடிச் சுட்டித்தனம் செய்தான்.

https://www.instagram.com/reel/DbH4GnfMBBy/?utm_source=ig_web_button_share_sheet

இறுதியில், அங்கிருந்த வேறொரு நபர் சிறிதும் யோசிக்காமல் நேரடியாகத் தண்ணீருக்குள் இறங்கி, அந்தச் சிறுவனைப் பத்திரமாகத் தூக்கிக்கொண்டு வெளியே வந்தார். அதிர்ஷ்டவசமாக குழந்தைக்கு எந்தக் காயமும் ஏற்படவில்லை என்றாலும், இதுபோன்ற அலங்கார நீரூற்றுகளில் குழந்தைகள் இறங்குவது சில நேரங்களில் ஆபத்தாக முடியக்கூடும் என்றும் நெட்டிசன்கள் கருத்து தெரிவித்து வருகின்றனர். ‘neha_s__makeover_’ என்ற இன்ஸ்டாகிராம் பக்கத்தில் பகிரப்பட்ட இந்தச் சுட்டித்தனமான வீடியோ தற்போது பலரின் கவனத்தையும் ஈர்த்து வருகிறது.