BREAKING: பரபரப்பான இடைத்தேர்தல்.. இன்னும் சற்று நேரத்தில் வாக்குப்பதிவு..!!

தமிழக அரசியல் களத்தில் பெரும் எதிர்பார்ப்பை ஏற்படுத்தியுள்ள மதுராந்தகம் மற்றும் தாராபுரம் ஆகிய இரண்டு சட்டமன்றத் தொகுதிகளுக்கான இடைத்தேர்தல் வாக்குப்பதிவு இன்று தொடங்குகிறது. கடந்த பொதுத்தேர்தலில் அதிமுக சார்பில் வெற்றி பெற்ற எம்.எல்.ஏ-க்கள் தங்களது பதவியை ராஜினாமா செய்துவிட்டு ஆளுங்கட்சியான தவெகவில் இணைந்ததால் இந்தத் தொகுதிகள் காலியாகி இடைத்தேர்தல் அறிவிக்கப்பட்டது. இதனால், ஆட்சியைத் தக்கவைத்துக் கொள்ள முனையும் தவெக, முதன்மை எதிர்க்கட்சியான திமுக மற்றும் இழந்த தொகுதிகளை மீட்டெடுக்க நினைக்கும் அதிமுக ஆகிய மூவருக்குமே இந்தத் தேர்தல் களம் மிக முக்கியத்துவம் வாய்ந்ததாகக் கருதப்படுகிறது.

இந்த ஐந்து முனைப் போட்டியில் தவெக, திமுக, அதிமுக, நாம் தமிழர் கட்சி மற்றும் இடதுசாரிகள் எனப் பல தரப்பும் தீவிரப் பிரசாரத்தில் ஈடுபட்டன. கடந்த 10 நாட்களாகக் கட்சித் தலைவர்களின் அனல் பறக்கும் இறுதி கட்டப் பிரசாரம் நிறைவடைந்த நிலையில், இன்று வாக்குப்பதிவு நடைபெற்று வருகிறது. இந்த இடைத்தேர்தலில் யாருக்கு வெற்றி என்பது வரும் அக்டோபர் 9-ஆம் தேதி நடைபெறும் வாக்கு எண்ணிக்கையின் முடிவில் அதிகாரப்பூர்வமாகத் தெரியவரும்.