அன்னைக்கு ரோஸ்ட்… இன்னைக்கு ‘ராயல்’ வரவேற்பு..! சமய் ரெய்னாவை அருணாச்சல உடையில் மாற்றிய செல்லோ மீம்… இணையத்தில் தீயாய் பரவும் வைரல் வீடியோ..!!

பிரபல நகைச்சுவை கலைஞர் சமய் ரெய்னாவுடன் சமூக வலைதளப் பிரபலமான ‘செல்லோ மீம்’ மீண்டும் இணைந்து சந்தித்துள்ளார். இந்த முறை எந்தவிதக் கிண்டலோ அல்லது கலாய்ப்போ இல்லாமல், அருணாச்சலப் பிரதேசத்தின் கலாச்சாரத்தைப் பிரதிபலிக்கும் வகையில் அன்பான வரவேற்பை அவர் அளித்துள்ளார். அருணாச்சலப் பிரதேசத்தின் பாரம்பரிய உடை மற்றும் தலையணியை சமய் ரெய்னாவுக்கு அவர் பரிசளித்தார். ‘இந்தியாஸ் காட் லேட்டன்ட்’ நிகழ்ச்சியில் சமய் ரெய்னாவை செல்லோ மீம் நையாண்டி செய்து வைரலானதைத் தொடர்ந்து, இந்தச் சந்திப்பு நிகழ்ந்துள்ளது.

இன்ஸ்டாகிராமில் செல்லோ பகிர்ந்த வீடியோவில், இருவரும் ஒரு ‘வேனிட்டி வேனுக்குள்’ சிரித்துப் பேசியபடி உரையாடுவது போன்று காட்சி அளிக்கிறது. இந்தச் சந்திப்பின் போது அருணாச்சலப் பிரதேசத்தின் பாரம்பரிய உடைகளை பரிசளித்த செல்லோ, அந்த வீடியோவிற்கு “அருணாச்சலம் உங்களை நேசிக்கிறது” என்று தலைப்பிட்டிருந்தார். இதற்குப் பதிலளித்த சமய் ரெய்னா, “இன்று மிகவும் ஜாலியாக இருந்தது” என்று குறிப்பிட்டிருந்தார்; மேலும் ‘இந்தியாஸ் காட் லேட்டன்ட்’ அதிகாரப்பூர்வ கணக்கும் இதில் கலந்துகொண்டு கமெண்ட் செய்திருந்தது.

https://www.instagram.com/reel/Dc1QdO0IDpm/?utm_source=ig_web_button_share_sheet

முன்னதாக, ‘இந்தியாஸ் காட் லேட்டன்ட்’ நிகழ்ச்சியில் செல்லோ மீம் பங்கேற்றபோது, சமய் ரெய்னாவின் கேள்விகளுக்கு அவர் அளித்த வெளிப்படையான பதில்கள் பெரும் வைரலாயின. அருணாச்சலப் பிரதேச மக்கள் தன்னைப்பற்றி என்ன நினைக்கிறார்கள் என்று சமய் கேட்டபோது, செல்லோ மிகவும் யதார்த்தமாக “எதுவுமில்லை” என்று கூறியது பார்வையாளர்களைக் கவர்ந்தது. தற்சமயம் இவர்கள் இருவரும் மீண்டும் இணைந்துள்ள வீடியோ சமூக வலைதளங்களில் வெளியாகி, ரசிகர்களிடையே பெரும் வரவேற்பைப் பெற்று வருகிறது.