7 பிள்ளைகளை பெத்து என்ன பயன்..? சொத்துப் பிரச்சனையால் பெத்த தந்தையின் சடலத்தை தரையில் வீசி சென்ற பிள்ளைகள்… மனதை உலுக்கிய மனிதாபிமானமற்ற கொடூரம்..!!

வங்காளதேசத்தில் அப்துல் ஜலீல் என்ற நபர் நான்கு பெண்களைத் திருமணம் செய்திருந்த நிலையில், அவர் மரணமடைந்தபோது இரண்டு மனைவிகள் அவரது பொறுப்பில் இருந்தனர். அவருக்கு அனைத்து மனைவிகள் மூலமாக மொத்தம் ஏழு மகள்களும், மகன்களும் இருந்தனர். இந்த நிலையில், தந்தையின் மரணச் செய்தியைக் கேட்டவுடன் பிள்ளைகள் அனைவரும் ஓரிடத்தில் கூடினர். ஆனால், தந்தையின் உடலுக்கு இறுதி மரியாதை செய்வதை விடுத்து, தங்களுக்குள் சொத்துப் பங்கீடு தொடர்பாகப் பயங்கர வாக்குவாதத்திலும், மோதலிலும் ஈடுபடத் தொடங்கினர்.

சொத்துத் தகராறு முற்றவே, பிள்ளைகள் அனைவரும் சேர்ந்து தங்கள் தந்தையின் உடலை குடும்பக் கல்லறைத் தோட்டத்தில் அடக்கம் செய்ய விடாமல் தடுத்து நிறுத்தினர். இதனால் அதிர்ச்சியடைந்த அந்தப் பகுதியைச் சேர்ந்த சில நற்பண்புகள் கொண்ட ஊர்ப் பெரியவர்கள், ஜலீலின் உடலை அவரது வீட்டு முற்றத்திலேயே (courtyard) அடக்கம் செய்ய முடிவு செய்தனர். ஆனால், அதற்கும் அவரது மகன்கள் முட்டுக்கட்டை போட்டு, இறுதிச் சடங்கு செய்ய வந்தவர்களுடன் மிக மோசமாக மோதலில் ஈடுபட்டனர்.

இந்தக் குடும்பச் சண்டையின் உச்சக்கட்ட கொடுமையாக, உயிரிழந்த தந்தையின் உடல் என்ற சற்றும் பாராமல், அவரது ஜடலத்தை வெறும் தரையிலேயே அப்படியே போட்டுவிட்டுச் சென்றனர். சொத்துப் பேராசையால் சொந்தப் பிள்ளைகளே தந்தையின் உடலை மதிக்காமல் நடுவழியில் தவிக்கவிட்ட இந்த மனிதாபிமானமற்ற கொடூரச் சம்பவம், வங்காளதேசத்தில் பெரும் சோகத்தையும் அதிர்ச்சியையும் ஏற்படுத்தியுள்ளது.