“எங்க ஏரியா இல்ல போய்ட்டு வாங்க.. !” அலட்சியம் காட்டிய பெண் போலீசார்.. அடுத்த நொடியே பெண்கள் செய்த பகீர் காரியம்…. இணையத்தில் தீயாய் பரவும் வீடியோ..!!

டெல்லி ரோகினி பகுதியில் உள்ள காவல் நிலையம் ஒன்றில் புகாரளிக்க வந்த பெண்களுக்கும், அங்கிருந்த பெண் காவலர்களுக்கும் இடையே ஏற்பட்ட கடுமையான வாக்குவாதம், இறுதியில் கைகலப்பாக மாறிய நெஞ்சை பதறவைக்கும் வீடியோ சமூக ஊடகங்களில் வெளியாகித் தீயாய் பரவி வருகிறது. பாதிக்கப்பட்ட பெண்கள் தங்களுக்கு நேர்ந்த ஒரு பிரச்சினை குறித்துப் புகார் அளிக்க வந்தபோது, அங்கிருந்த போலீஸார் அந்தப் பிரச்சினை தங்களது காவல் நிலைய எல்லைக்கு உட்பட்டது அல்ல என்று கூறி புகாரைப் பெற மறுத்துள்ளனர். இதனால் ஆத்திரமடைந்த பெண்களுக்கும், பெண் காவலர்களுக்கும் இடையே திடீரென கடுமையான வாக்குவாதம் ஏற்பட்டு, அது கெட்ட வார்த்தைகளால் திட்டித் தீர்க்கும் அளவிற்கு விபரீதமாக மாறியுள்ளது.

இருதரப்பினருக்கும் இடையே ஏற்பட்ட இந்தத் தடித்த வார்த்தைப் போர், அடுத்த சில நிமிடங்களிலேயே ஒருவரையொருவர் சண்டையிட்டுக் கொள்ளும் அளவிற்குக் கடுமையான கைகலப்பாக மாறியதாகத் தகவல்கள் தெரிவிக்கின்றன. அங்கிருந்த பெண் போலீஸாரும் அந்தப் பெண்களுக்கு இணையாக ஆக்ரோஷமாகப் பதிலடி கொடுத்ததாகக் கூறப்படுகிறது. இந்த உக்கிரமான சண்டையின் போது அங்கிருந்தவர்களால் பதிவு செய்யப்பட்ட வீடியோ தற்போது சமூக வலைதளங்களில் வெளியாகி, டெல்லி காவல்துறையின் சட்டம் ஒழுங்கு மற்றும் அணுகுமுறை குறித்துப் பொதுமக்கள் மத்தியில் பெரும் விவாதத்தையும் பரபரப்பையும் ஏற்படுத்தியுள்ளது.