அய்யயோ.. உணவளித்த ஊழியரையே கவ்விய ராட்சத முதலை.. தண்ணீருக்குள் இழுத்துச் சென்று நடத்திய கொடூரம்… வைரலாகும் ஷாக்கிங் வீடியோ..!!

பப்புவா நியூ கினியாவின் போர்ட் மோர்ஸ்பி நகரில் உள்ள ஒரு உயிரியல் பூங்காவில், முதலைகளுக்கு உணவளித்துக் கொண்டிருந்த ஊழியர் ஒருவர், அங்கிருந்த ராட்சத முதலை ஒன்றால் கொடூரமான முறையில் தாக்கப்பட்டுள்ளார். அந்த முதலை திடீரென மின்னல் வேகத்தில் பாய்ந்து அந்த ஊழியரின் கால்களைக் கவ்விப் பிடித்து, அசுரத்தனமாகத் தண்ணீருக்குள் இழுத்துச் சென்று முதலைகளுக்கே உரித்தான பயங்கரமான “மரண சுழற்சி” முறையில் அவரைத் தாக்கியுள்ளது. அங்கிருந்த பார்வையாளர்களும் சக ஊழியர்களும் கம்பிகள் மற்றும் வேலிகளின் துண்டுகளைக் கொண்டு முதலையைத் தாக்கி அந்த ஊழியரை மீட்க மரணப் போராட்டம் நடத்திய போதிலும், ஒரு மணி நேரத்திற்கும் மேலாக முதலையின் தாடைகளுக்குள் அவர் கொடூரமாகச் சிக்கியிருந்தார்.

நிலைமையின் தீவிரத்தை உணர்ந்து சம்பவ இடத்திற்கு விரைந்து வந்த காவல்துறையினர், அந்த ராட்சத முதலையின் மீது 11 முறை துப்பாக்கிச் சூடு நடத்திய பிறகுதான் அது அந்த ஊழியரைத் தனது பிடியிலிருந்து விடுவித்துள்ளது. இருப்பினும், இந்த கொடூரத் தாக்குதலால் அந்த ஊழியர் தனது ஒரு காலை முழுமையாக இழந்த நிலையில், படுகாயங்களுடன் மருத்துவமனையில் அனுமதிக்கப்பட்டு மறுநாளே சிகிச்சை பலனின்றி பரிதாபமாக உயிரிழந்தார். இந்த நெஞ்சைப் பதறவைக்கும் துயரச் சம்பவத்தை அடுத்து, அந்த உயிரியல் பூங்கா தற்போது தற்காலிகமாக முழுமையாக மூடப்பட்டுள்ளது.