“அய்யோ அம்மா காப்பாத்துங்க..” அலறிய பயணிகள்… கண்ணிமைக்கும் நேரத்தில் சாய்ந்து மூழ்கிய சொகுசு கப்பல்..! வைரலாகும் திக் திக் வீடியோ..!!

அமெரிக்காவின் நியூ ஆர்லியன்ஸ் துறைமுகம் அருகே உள்ள மிசிசிப்பி நதியில் நவம்பர் 13 அன்று ஒரு பெரும் விபத்து நிகழ்ந்துள்ளது. அங்கு சென்று கொண்டிருந்த ‘தி அமெரிக்கன் ஹெரிடேஜ்’ என்ற பயணிகள் கப்பலை ஒரு பெரிய டேங்கர் கப்பல் பலமாக மோதியது. இந்தத் தாக்கத்தால் பயணிகள் கப்பல் ஒரு பக்கமாக மோசமாகச் சாய்ந்து, அதன் பாதியளவு பகுதி தண்ணீரில் மூழ்கியது. இதனால் கப்பலில் இருந்தவர்களிடையே பெரும் அதிர்ச்சியும் அலறலும் ஏற்பட்டது.

சம்பவத்தின் வீடியோ காட்சிகளில், கப்பல் சாய்ந்ததும் உள்ளே தண்ணீர் புகுவதைக் கண்டு பயணிகள் உயிர் பிழைப்பதற்காகக் கப்பலின் கைப்பிடிச் சுவர்களை கெட்டியாகப் பிடித்துக் கொண்டிருப்பது தெளிவாகத் தெரிகிறது. மீட்புக் குழுவினரும் அருகில் இருந்த படகுகளும் உடனடியாக விரைந்து வந்து மீட்புப் பணிகளில் ஈடுபட்டன. ஆரம்பக்கட்ட தகவல்களின்படி, மீட்புப் படையினர் நதியிலிருந்து ஒரு டஜனுக்கும் மேற்பட்டோரை பாதுகாப்பாகமீட்டுள்ளனர். லூசியானா கவர்னர் ஜெஃப் லேண்ட்ரி இந்த விபத்து குறித்துக் கவலை தெரிவித்து, உள்ளூர் அதிகாரிகளுடன் தொடர்ந்து தொடர்பில் இருப்பதாகத் தெரிவித்துள்ளார்.

மிசிசிப்பி நதியின் மிகவும் பரபரப்பான பகுதியில் இந்த விபத்து நடந்துள்ள நிலையில், இந்த மோதலுக்கான சரியான காரணம் மற்றும் கப்பலில் இருந்தவர்களின் முழு விவரங்கள் இன்னும் முழுமையாக வெளிவரவில்லை. இதற்கிடையில், இந்த நடுக்கத்தை ஏற்படுத்தக்கூடிய விபட்டின் வீடியோ சமூக வலைதளங்களில் வைரலாகி வருவதுடன், இணைய பயனர்கள் அனைவரும் கப்பலில் உள்ளவர்களின் பாதுகாப்பிற்காகத் தங்களது பிரார்த்தனைகளைப் பதிவிட்டு வருகின்றனர்.