“ரூ.400 கோடி ஊழல் வழக்கில் திடீர் திருப்பம்..!” விசாரணை வளையத்திற்குள் அமைச்சர் அன்பில் மகேஸின் மனைவி ஜனனி.. தமிழக அரசியலில் அடுத்த அதிரடி..!!

தமிழகப் பள்ளிக்கல்வித் துறை ஊழல் வழக்கில், அமைச்சர் அன்பில் மகேஸ் பொய்யாமொழியின் மனைவி ஜனனியிடமும் போலீஸார் விசாரணை நடத்தத் திட்டமிட்டுள்ளதாக வெளியாகியுள்ள தகவல் அரசியல் வட்டாரத்தில் பெரும் பரபரப்பை ஏற்படுத்தியுள்ளது. தமிழகத்தில் உள்ள தனியார் பள்ளிகளுக்குப் புதிய அங்கீகாரம் வழங்குவது மற்றும் புதுப்பிப்பது உள்ளிட்ட பல்வேறு பணிகளுக்காக சுமார் ரூ.400 கோடி வரை லஞ்சம் கைமாறியுள்ளதாகக் கடுமையான குற்றச்சாட்டுகள் எழுந்துள்ளன. இந்த மெகா ஊழல் முறைகேடு தொடர்பாக ஏற்கனவே பள்ளிக்கல்வித் துறை அமைச்சர் அன்பில் மகேஸ் மற்றும் தொழிலதிபர் சண்முகப்பிரியா ஆகியோரிடம் புலனாய்வுத் துறையினர் தீவிர விசாரணை நடத்தி வருகின்றனர்.

இவ்வழக்கின் தொடர்ச்சியாக, தற்போது அமைச்சரின் மனைவி ஜனனியும் விசாரணை வளையத்திற்குள் கொண்டுவரப்பட உள்ளதாகத் தெரியவந்துள்ளது. இந்த ஊழல் பணப் பரிவர்த்தனைகளின் பின்னணியில் இவருக்கும் தொடர்பு இருக்கலாம் என்ற சந்தேகத்தின் அடிப்படையில் இந்த நடவடிக்கை எடுக்கப்பட உள்ளதாகக் கூறப்படுகிறது. ஏற்கனவே இந்த ஊழல் புகாரால் கடும் நெருக்கடியில் இருக்கும் அமைச்சர் அன்பில் மகேஸுக்கு, தற்போது அவரது மனைவியும் விசாரணைக்கு உள்ளாகவிருப்பது கூடுதல் பின்னடைவாகவும், அரசியல் ரீதியாகப் பெரும் முட்டுக்கட்டையாகவும் மாறும் என அரசியல் விமர்சகர்கள் கருத்து தெரிவித்து வருகின்றனர்.