“இன்ஸ்டா காதல் தந்த கொடூர மரணம்” காதலியை இரும்புப் பெட்டியில் அடைத்து செப்டிக் டேங்கில் வீசிய காதலன்… 24 மணி நேரத்தில் வெளியான திடுக்கிடும் உண்மை..!!

மத்தியப் பிரதேச மாநிலம் கோண்டியா மாவட்டத்தைச் சேர்ந்த ஆஷ்ராஃபி என்ற சியா (33), சமூக வலைதளமான இன்ஸ்டாகிராம் மூலம் சமீப் என்பவரைத் காதலித்துள்ளார். திருமணமாகிவிட்ட நிலையிலும் காதலைத் தொடர்ந்த இவர்களிடையே ஏற்பட்ட தகராறில், கடந்த திங்கட்கிழமையன்று சியா தனது காதலன் சாமீரால் கழுத்து நெரித்துக் கொல்லப்பட்டார். இந்தத் கொலையை மறைப்பதற்காக, சாமீரும் அவரது குடும்பத்தினரும் இணைந்து சியாவின் உடலை ஒரு இரும்புப் பெட்டியில் கற்களுடன் வைத்து அடைத்து, அப்பகுதியில் உள்ள செப்டிக் டேங்கில் வீசி எறிந்துள்ளனர்.

வியாழக்கிழமை மாலையில் நிஷாத்புரா பகுதியில் உள்ள காலி நிலத்தில் இருந்த செப்டிக் டேங்கில் இருந்து அழுகிய நிலையில் சியாவின் உடல் மீட்கப்பட்டது. இந்தச் சம்பவம் குறித்துத் தீவிர விசாரணை நடத்திய காவல்துறையினர், வெறும் 24 மணி நேரத்திற்குள் கொலையாளிகளைக் கண்டுபிடித்து வழக்கை வெற்றிகரமாகத் துப்பறிந்துள்ளனர். காதலித்து ஏமாற்றி, கொடூரமாகக் கொல்லப்பட்ட இந்தச் சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது.

சமூக வலைதளம் மூலம் அறிமுகமாகும் நபர்களின் உண்மையான முகத்தை அடையாளம் காணாமல் குருட்டுத்தனமாக நம்பிச் செல்வது பல நேரங்களில் இதுபோன்ற கோரமான விபரீதங்களில் முடிகிறது. இத்தகைய குற்றச் செயல்களில் ஈடுபடும் கொடூரக் குற்றவாளிகள் மீது கடுமையான சட்ட நடவடிக்கை எடுக்கப்பட வேண்டும் என்றும், இளம் தலைமுறையினர் குறிப்பாகப் பெண்கள் இதுபோன்ற ஆபத்தான வலைப்பின்னல் காதலில் எச்சரிக்கையாக இருக்க வேண்டும் என்றும் சமூக ஆர்வலர்கள் வலியுறுத்துகின்றனர்.