“என் தாயாரை ராஜினாமா செய்ய அமைச்சர் CTR மிரட்டல் விடுக்கிறார்..” PTR பரபரப்பு குற்றச்சாட்டு.. தமிழக அரசியலில் திடீர் பரபரப்பு..!!

தமிழக தவெக அமைச்சரவையில் இடம்பெற்றுள்ள அமைச்சர் சி.டி.ஆர். நிர்மல்குமாரின் மிரட்டல் மற்றும் அழுத்தம் காரணமாகவே, தனது தாயாரை இணை ஆணையர் பதவியிலிருந்து ராஜினாமா செய்யச் சொல்லி வற்புறுத்துவதாகப் பி.டி.ஆர். பழனிவேல் தியாகராஜன் கடுமையான குற்றச்சாட்டுகளை முன்வைத்துள்ளார். மதுரை முதல் கன்னியாகுமரி வரையிலான தென் மாவட்டப் பகுதிகளில் முதலமைச்சருக்கு இணையான ஒரு ‘தனிப்பட்ட முதலமைச்சர்’ போல அமைச்சர் நிர்மல்குமார் தன்னிச்சையாகச் செயல்பட்டு வருவதாகவும் அவர் சாடியுள்ளார். மக்களின் நன்மதிப்பைப் பெற்ற நிர்வாகிகளைத் தேவையின்றி குறிவைத்து மிரட்டும் இத்தகைய அநாகரிகமான நடவடிக்கைகளுக்கு, தவெக தலைவரும் முதலமைச்சருமான விஜய்யின் நேரடி ஆதரவு இருப்பதற்கு எந்தவித வாய்ப்பும் இல்லை என்றும் பி.டி.ஆர். தனது விமர்சனத்தில் சுட்டிக்காட்டியுள்ளார்.

தென் மாவட்ட ஆன்மீகத் தலங்களின் நிர்வாகச் செயல்பாடுகளிலும் அமைச்சர் தொடர்ந்து தலையிட்டு வருவதாகக் குறிப்பிட்டுள்ள பி.டி.ஆர்., புகழ்பெற்ற திருப்பரங்குன்றம் முருகன் கோயில் மற்றும் மதுரை மீனாட்சியம்மன் கோயில் ஆகியவற்றின் அறங்காவலர் குழுக்களை உடனடியாக ராஜினாமா செய்யக் கோரி அமைச்சர் தரப்பில் இருந்து கடுமையான அழுத்தங்கள் கொடுக்கப்பட்டு வருவதாகத் பகிரங்கமாகச் சாடியுள்ளார். தவெக ஆட்சி அமைந்து சில மாதங்களே ஆகியுள்ள நிலையில், ஆளுங்கட்சி அமைச்சரின் செயல்பாடுகளைப் பி.டி.ஆர். பொதுவெளியில் இவ்வாறு கடுமையாகத் விமர்சித்துள்ளது தமிழக அரசியல் வட்டாரத்திலும், தென் மாவட்ட மக்களிடையேயும் பெரும் பரபரப்பையும் விவாதங்களையும் கிளப்பியுள்ளது.