“என் சாவுக்கு இவர்தான் காரணம்…” 5-வது மாடியில் இருந்து விழுந்து பில்டர் மர்ம மரணம்… சடலத்தின் அருகே சிக்கிய கடிதத்தால் சிக்கும் தொழிலதிபர்..!!

டேராடூன் சஹஸ்ரதாரா சாலையில் உள்ள கட்டப்பட்டு வரும் கட்டிடத்தின் ஐந்தாவது மாடியில் இருந்து விழுந்து பில்டர் பங்கஜ் மிட்டல் (52) மரணமடைந்த சம்பவம் பெரும் பரபரப்பை ஏற்படுத்தியுள்ளது. பஞ்சாப் மாநிலம் ஃபதேஹ்கர் சாகிப் பகுதியைச் சேர்ந்த இவரின் சடலம் ராய்ப்பூர் காவல் நிலைய எல்லைக்குட்பட்ட ஏ.டி.எஸ் காலனி அருகே கண்டெடுக்கப்பட்டது. சம்பவ இடத்திலிருந்து போலீசார் கைப்பற்றிய தற்கொலை குறிப்பில், புனீத் அகர்வால் என்பவரின் பெயர் இடம்பெற்றுள்ளதோடு, இந்த மரணத்திற்கு அவர்தான் காரணம் என்றும் குறிப்பிடப்பட்டுள்ளது.

இந்த விவகாரத்தில், போலீசாரின் தரப்புக்கும் குடும்பத்தினரின் தரப்புக்கும் இடையே வணிகக் கூட்டுறவு தொடர்பாக முரண்பாடுகள் எழுந்துள்ளன. பங்கஜ் மிட்டலும், புனீத் அகக்வாலும் இணைந்து கட்டுமானப் பணிகளில் ஈடுபட்டு வந்ததாகப் போலீசார் தெரிவிக்கின்றனர்; ஆனால், பங்கசுடன் தனக்கு எந்தவித வணிகத் தொடர்பும் இல்லை எனப் புனீத் அகர்வால் திட்டவட்டமாக மறுத்துள்ளார். மேலும், சம்பவத்திற்கு முந்தைய நாள் ஹரியானாவில் உள்ள தனது மகளைச் சந்தித்துவிட்டு வந்த பங்கஜ், அப்போது மிகவும் இயல்பாகவே இருந்ததாகவும், எந்தவித மன அழுத்தமோ அல்லது பிரச்சினையோ இருப்பதாகப் பேசவில்லை என்றும் அவரது மகள் தெரிவித்துள்ளார். இந்தச் சம்பவத்தைத் தொடர்ந்து, குடும்பத்தினர் ராய்ப்பூர் காவல் நிலையத்தில் புகார் அளித்துவிட்டு உடலுடன் பஞ்சாபுக்குத் திரும்பினர்.

இந்த வழக்கின் உண்மையை வெளிக்கொண்டுவரப் போலீசார் நவீன தொழில்நுட்பங்கள் மற்றும் தடயவியல் சோதனைகளை நாடுகின்றனர். தற்கொலை குறிப்பின் உண்மைத்தன்மை குறித்தும், பங்கஜின் செல்போனில் உள்ள குறுஞ்செய்திகள், அழைப்புப் பதிவுகள் மற்றும் பிற டிஜிட்டல் ஆவணங்கள் குறித்தும் விரிவான விசாரணை நடத்தப்பட்டு வருகிறது. சம்பவத்திற்கு முன்பு இருவருக்கும் இடையே என்ன பேசப்பட்டது, பணப்பரிமாற்றம் அல்லது வேறு ஏதேனும் தகராறு காரணமாக இந்த விபரீதம் நடந்ததா என்பது குறித்துப் போலீசார் தீவிரமாக விசாரித்து வருகின்றனர்.