லண்டனில் படிப்பு… புனேவில் சடலம்..! பெற்றோருக்குத் தெரியாமல் இந்தியா திரும்பிய எம்பிஏ மாணவியின் மர்ம மரணம்.. திடுக்கிடும் பின்னணி.!!

லண்டனில் எம்பிஏ படித்து வருவதாகக் குடும்பத்தினர் நினைத்திருந்த 34 வயது பெண், மகாராஷ்டிராவின் புனேவில் உள்ள அடுக்குமாடி குடியிருப்பில் மர்மமான முறையில் இறந்து கிடந்த சம்பவம் பெரும் அதிர்ச்சியை ஏற்படுத்தியுள்ளது. உயிரிழந்த பெண் சத்ரபதி சம்பாஜிநகரைச் சேர்ந்த முக்தா தேஷ்முக் என அடையாளம் காணப்பட்டுள்ளார். இவர் கடந்த 2025 ஜூலை மாதம் மேற்படிப்பிற்காக லண்டன் சென்றிருந்த நிலையில், பெற்றோருக்குத் தெரிவிக்காமல் கடந்த ஆகஸ்ட் மாதம் இந்தியா திரும்பியுள்ளார். பின்னர், புனேவின் கஹுஞ்சே பகுதியில் வாடகைக்கு வீடு எடுத்துத் தனியாக வசித்து வந்துள்ளார்.

கடந்த அக்டோபர் 24 முதல் முக்தாவின் மொபைல் போன் அணைக்கப்பட்டதால், அவரது தந்தை காவல்துறையில் புகார் அளித்துள்ளார். இதற்கிடையே லண்டனில் இருந்த அவரது தோழி மூலமாக, முக்தா ஏற்கனவே லண்டனை விட்டு இந்தியா கிளம்பிவிட்ட தகவல் குடும்பத்தினருக்குத் தெரியவந்தது. தொடர்ந்து அவரது தந்தை வங்கிப் பரிவர்த்தனைகளைச் சோதித்தபோது, அக்டோபர் 8 முதல் 25 வரையிலான தேதிகளில் ஆன்லைன் உணவு டெலிவரி மற்றும் டிஜிட்டல் தளங்களில் பணப் பரிவர்த்தனைகள் நடந்தது கண்டுபிடிக்கப்பட்டது. இதன் அடிப்படையில் அவர் இந்தியாவில் இருப்பதை உறுதி செய்த குடும்பத்தினர், குற்றப்பிரிவு காவல்துறையின் உதவியை நாடினர்.

காவல்துறையினர் செல்போன் இருப்பிடத்தை ஆய்வு செய்து, புனேவில் உள்ள அவரது வாடகை வீட்டிற்குச் சென்றனர். கதவு உள்பக்கமாகப் பூட்டப்பட்டிருந்ததால், மாற்றுச் சாவி மூலம் கதவைத் திறந்து உள்ளே சென்றபோது, முக்தா சடலமாகக் கிடந்துள்ளார். சிறுவன், சிறுமி அல்லது பெண் என யாருடைய உடலிலும் வெளிக்காயங்கள் எதுவும் இல்லாததால், அவரது மரணத்திற்கான உண்மையான காரணத்தைக் கண்டறிய உடற்கூறாய்வு மாதிரிகள் சேகரிக்கப்பட்டு, காவல்துறையினர் தீவிர விசாரணை நடத்தி வருகின்றனர்.